القصيده ل بن فطيس

تحيـــــــــــــة للجميــــــــــــــــه


سجلت هذه القصيده للشاعر المعرف بن فطيس

ولاني حسيت في هالقصيده بشيء يتكلم عني ؟؟؟ والجواب واضح في هالقصيده

وتمتعو بالجزاله


--------------------------------------------------------------------------------



بعض العرب حبه يوردك الجنـــــــــون ,,, ولا يوصف له غلاه حكاك لــــــــــــــه

مايقنعه وصف الغلا لو وش يكــــــون ,,, لو كل حرف بالحرير يحاك لـــــــــــــه

الموت جاك وهو تقلبه الظنــــــــــــون ,,, ولا لك الا الصبر وش وداك لـــــــــــه

ان قلت ضايق قال هونها تهـــــــــــون ,,, يدري ان ضيقتك له وبكاك لــــــــــــه

تقعد تحبه وانت ساكت ومغبــــــــــــون ,,, كن بيوم يقال له مااوفاك لـــــــــــــــه

وكانك مشكك هو يمون او ما يمــــون ,,, تخيل ان عفت الصبر فرقاك لـــــــــــه

غلاه وهو فوق الغلا ماهـــــــوب دون ,,, وحكاه سمعك يجبرك بارخاك لــــــــه

ودك تحطه في العيون من العيــــــــون ,,, وتبسط على رمضا الثرى يمناك لـه

وتظله من الشمس في ظل الجفــــــون ,,, ولا يمر اذنه سوى لباك لــــــــــــــــه

وتسج من غيره لو انهم يذكـــــــــرون ,,, ومنين ماسجت القدم ممشاك لـــــــه

غرو يميله الترف ميل الغصــــــــــون ,,, غصن ليان ومكرمه باسقاك لــــــــه

جديله الى اقفى ستر منه المتــــــون ,,, كني بريحه لاألتفت لأدعاك لــــــــــــه

كيك وعسل لكن ماهو في صحــــــون ,,, ودعا ك من عين الحسود غطاك له

الله لايعطيه ناس ينضلــــــــــــــــــــون ,,, ويستر علية من النحل لا ياكلـــــــه

الوصف والتعبير في وصفه يخــــــون ,,, غير اطلب الله يستجيب دعاك لــــه

وعذال قلبك في محبته يهبـــــــــــــون ,,, سكينهم عن قطع حبله حاكلــــــــه

ناس عن اعراض العرب مايعرضون ,,, ودايم على نفس الشكل والشاكله

اللي من لحوم الاوادم ياكلـــــــــــون ,,, وحلوقهم دفع البلا متواكلــــــــــــه

في سلمهم اولى بالاكل الاقربـــــون ,,, واطيبهم اللي صيدته شكواك لــــه

عازمهم الشيطان للذنب ويجــــــون ,,, هذا يقطع له وذاك يواكلــــــــــــــه

ياجعلهم فدوة ثرا الغض الفتـــــون ,,, اللي على الدرب الطويل خطاك لـه

طيفه الى نام البشر زارك بهــــون ,,, وطيفك الى نام البشر سراك لـــــه

حبه دفان ومقبرة خضر الطعـــون ,,, بين العظام العوج كنك ناكلـــــــــه

اللي كذا.. حبه لو تموت مغبــــون ,,, ولا لك الا الصبر وش وداك لـــه



وتحياتي للجميع ؟