يالله تعالي

اتمنا تنال اعجابكم
----------------

يالله تعالي جــــــــــــــددي كل ما فـــــات

لا لا يموت الحــــــــــــــــب وانتي ترينه

انتي لي الحاضر وانـــــــتي لي اثبـــــــات

وانتي هنا عمــــــــري وفـــــــرحة سنينه

من دونك الدنيا بعيـــــــني مـــــــــتاهات

ضايع ولا ادري وشـــــــهو اللي تــــــبينه

ادري تبيـــــــني تالي الليل شمــــــــعات

والليل ذكــــــــرى والامــــــــاني ثمينه

ودي اقدم لك من اللــــــيل نجـــــــــــمات

واذا طلع نــــــــور القمـــــــر تفتنينه

تعالي وشوفي بعيــــــــــــــــــني حكايات

وكل السوالف صـــــــــــــمتها تفـــهمينه

بعثرت انا كلي على كـــــــــــفوف دمـــعات

دمعة تبيك والف دمـــــــــعه رهـــــــينه

ابي اسافـــــــــــر فيك لابـــــــعد مسافات

انا البحر وجفـــــــون عيــــــــنك سفينه

هيــــــهات وقتي يبعدك والف هيــــــــــهات

ابقترب دام العـــــــمر تــــــــــجهلينه

حبيبتي كن الحـــــــكي صـــــــــار بسكات!!

وكن المسامـــــــع في غــــــــيابك سجينه

احترامي للجميع