هذي بعض المسجات الي جمتها لكم
من جوالي ومن النت وحبيت انقلها
لكم بصوره حلوه واتمنى تعجب الجميع
xxxxxxxxxxxxxxxx
تعال لحف عيوني بليل عشت به لحظات
تعال سمعني سواليفك وهمساتك
تراك اللي تسافر بي عن أحزاني والآهات
تراك اللي تبعثرني و أنا اللي جامع شتاتك
جدار الصمت يقتلني أبيك تجدد الضحكات
تراك الوحيد اللي تزيل الهم ضحكاتك
****************
لا تنبهر ،، ماجاك من حبي قليل
أنت تستاهل وأنا طبعي كريم
أنت ما مثلك بهالدنيا بديل
أنت آية صاغها الرب الكريم
لو يشوفك فاقد العقل الهبيل
صار ما مثله بهالدنيا حكيم
يكفي إنك صرت للشمس البديل
والقمر في غيبتك يصبح يتيم
****************
*أحبك*
لا تحسب كلمتي زلة لسان
الغلا ما يحتمل شك ويقين
اللسان بساعة الشدة حصان
والخجل ما يبعده مسح الجبين
معك ينساب الحكي حب وحنان
وكل شدة باس قدامك تلين
مابقى للصمت في صدري مكان
إيه *أحبك* قلتها والله يعين
****************
أموت بنظرتك وأعشق سكون الحرف بشفاتك
أبي أصبر على بعدك ولكن كل شي ضدي
ولا أقدر على بعدك ،، خلاص بشوفتك ودي
حبيبي كانك المخطي،، حضنت بروحي زلاتك
إذا عندك عذر مقنع،، أنا هاللحظة ما عندي
سوى حب ملا صدري،،يفوق الحب في ذاتك
****************
آسف على الغيبة ما كنت فاضي
آسف على التقصير لاكنت قصرت
رجعت لك حاضر ماني بماضي
أبعتذر يمكن عليكم تأخرت
حطيت في غيبتك الحب قاضي
وحكم علي أرجع لو ما تبصرت
رجعت قانع بحبك وراضي
محد جبرني يوم أرسلت واشتقت
****************
ما للعمر في بعض الأيام قيمة
لاغاب عنك اللي تحبه وتغليه
تصبح حياتك في بعاده سقيمة
ليمن تذكرته أو جاك طاريه
تموت من كثر الأسى والحريمة
مثل اللي طفشان محدن يحاكيه
****************
بعض الأسامي بالشريحة ولا شي
ياما ذكرناهم وأبد ما بهم طب
قمت أمسح الميت بهم وأترك الحي
في سلتي أرمي القشر وآخذ اللب
حتى وصلت اسمك حبيبي وأنا بي
عبرة تبي تنزل وأنا أقول يااااااااا رب
****************
علمتني إن الوصل يعني صعود المستحيل
وعلمتني إن الجفا يعني بداية انحدار
وعلمتني إني بقربك ادري إن قلبي بخير
شف وش كثر علمتني؟؟
يا معلم الورد العبير
ياكبر حظي فيك لو حظي من الدنيا صغير
****************
يمكن أكون أعز الناس في عيونك
بس أنت والله كل الناس في عيوني
يكفيني إنك لامن قلت وشلونك؟
تطيب كل الجروح ويختلف لوني
إن غبت عني شعرت بلذة طعونك
وإن شفت زولك شعرت بقيمة عيوني
****************
زمان وأنا صغيرة ودي أصير أستاذة كبيرة
أو دكتورة خطيرة
أو أحياني أتمنى أبقى طفلة
مرت الأيام وأصبحت هيمانة بحبك
أنتظر صوتك وأتمنى شوفك
همي الأول : أحبك !!
وهمي الثاني : أحبك !!
نسيت حلم الصغر بس الأهم إني حبيتك
****************
أبنشغل في عيونك لا تدورني
ودي بشي أشوفه ومابعد جيته
خليت قلبي معك والله يصبرني
مبطي وأنا أقول قلبي وين خليته
نسيت أعلمك
طيفك جا يسهرني
بس أنت ما شفتني
وشلون " ضميــــته"
****************
لو تغيب سنين أو يوم وشهور
ناذر ما أنساك يا الغالي نذر
لك بوسط القلبي يا الغالي جذور
وكيف يحيا القلب لا مات الجذر؟
****************
تخيل إني اختفيت؟
ضعت أو إني نسيت؟
تخيل معي ..
لو تدور لو تسأل
عني ما لقيت ؟!!
ولو قالوا لك إني
من هالعالم انمحيت ؟
وفجأة
أخذتك الذكرى وسهيت
تذكرت رقمي وحنيت
وقتها ياترى وش بترسل لي ؟؟
****************
ذعذع هبوبك وامتلى محجر العين
ياللي مع النسمات وصلك تمده
أشتاق لك وأنساق سوق المجانين
ما تدري إن الشوق قلبي يحده
إن قلت لي : بنــــــروح
ما قلت لك : ويـــــــن ؟!!
هــــاك الخفوق ووين ما رحت وده !!
****************
ياما شربت السهر من وحشة غيابك
والشوق في كل عرق لجلك يبري
مشتاقة
أضمك
في ضلوعي
حلم
وأحيا بك
وأسوق لك دمعتي لامن قصر حظي
****************
لك وحشة في داخلي مالها حد
في غيبتك كل المشاعر تنادي
كل الوجيه اليا بغت عني تصد
أقول : روحوا لا تردون عادي " !
إلا أنت أحبك موت وأشتاق من جد
أحس لك وحشة تقطع فؤادي
****************
خانت الأيام شخص مايخون
ولا هقيت إنه كذا طبع الزمن
كيف أصبر وأعيش مغبون
كيف أدفا طالما حظي اندفن
بس ليه أشكي وأحسب للظنون
ورأس مالي تالي الدنيا كفن
ذي بداية والنهاية وش تكون ؟
هو يزول الهم عني ؟؟
ما أظن
****************
انتظرتك ليه طولت الغياب
وإنت لامن غبت لحظات أفقدك
جمرة أشواقي تناديك بعتاب
كيف جالك قلبي ينسى حبيبك
"سيد الإحساس" حسك كيف غاب ؟
كيف عن دافي شعوري يبعدك
وادري إنك ما تأخرت بغياب
بس أنا اللي دايم أسبق موعدك!!
****************
*أحبك*
كثر ما تمطر من عيون الحزين دموع
*أحبك*
كثر ما ذقت الطعون قولة الراحة
* أحبك*
كثر ما يشكي الفقير مضايقات الجوع
*أحبك*
كثر ما بحر الغرام يضيع سباحه
****************
كل ماذكرت عمري ما ذكرت إلا وفاك
ولو أدون ذكرياتي ما انطبع فيها سواك
أنت أوفى من لقيته زدت عن هذا وذاك
لا تقول إني نسيتك أو أفكر في جفاك
لو تمنيت الأماني ما طلبت إلا " لقاك"
****************
صورتك في عيني وفي القلب طاريك
تعال وشوف بدنيتي (وش مكانك؟)
إن جيت كل دقات قلبي تحييك
وإن رحت يكفيني بقايا حنانك
أعاهدك ما يوم ممكن أخليك
وماعاش من ياخذ بقلبي مكانك.
****************
قلبي.. ترى لامر طاريك سلم
وأنا الطواري علة طحت فيها
المشكلة لاجيت أكلم وأسلم
ذكرت أنا الشرهة ولك حق فيها
تدري
أبرسل
ثم أكلم
وأسلم
يالعنبو فاتورة منت فيها
****************
صوتك يداوي على القلب والروح
أرجوك لا تقطع دوى الروح عني
أموت أنا بصوتن جمع جد ومزوح
لامن سمعته قمت أرحب وأغني
فديت من خلا حياتي لها روح
فديت من حبه غزاني وفتني
****************
طعم الحياة بغيبتك صعب ينطاق
والنوم بعدك ما تذوقه عيوني
أشتاق في بعدك وفي قربك اشتاق
حبك جنوني وأنت كلك جنوني
يامعرض روحي على جمر الأشواق
لارحت عني كيف حالة عيوني ؟
****************
خذني بحضنك أبغفى
يااااااه مبطي ما غفيت
وإن لمحت دموع عيني
سو نفسك مالمحت
خذني بحضنك وفتش
في جروحي وإن قضيت
هز لي كتفي وقلي :
عيب تبكي لو سمحت
ضمني يمك وضحكني
اليا مني بكيت
ودي أذكر كيف كانت
ضحكتي لامن فرحت!
______________
على ذاك الجدار اللي على حد البيوت
وقفت وهاجس الذكرى نفض غباره..
وفي ذاك المكان ثبت إن الآدمي من طين
تخيل يوم لمسته تنهد من شقا ناره..
سألني وقال أنا أذكر تجوني اثنين
بكيت وقلت صدقني رحل وانقطعت أخباره
************
ناظرتني بطرفها الساهي
وقالت:لوتفارقني أموت!!
وافترقنالا رسايل ولاصوت
وكنت أسأل دايم أسأل:
يا ترى وش صار فيها؟
قالوامبسوطة)ماعليها
صارت أجمــل!
وابتسمت..
وقلت: هذا اللي أبيه
بس كيف أناصدقت
يوم قالت لي بموت!؟
*****************
تذكرصاحبك وارجع تقرب له ولوبالصوت
على آخرنفس واقف تجي ولا يجيه الموت
وأشوف الموت أحرص منك وأشوف إنك تبي موته
وأخاف إنك بعدموته تحن وتفتح التابوت
وأخاف من القهر يقفل في وجهك باب تابوته
*******************
*جزء من النص مفقود*
*كل النــص مفقــود*
*أصلا مافيـه نص*
بس حبيت أقولك:
*إنك انت المفقود*
*********************
بكرةإذاقال القدرفي دنيتي قوله
وأرخيت جفني على مركبه وشراعه
الموت بكرةإذا عانقت مرسوله
وأهديت له كل عمري وداعه
وصلتك أوراق بحروف الدم مكتوبه
وتصرخ ياليت ماضيقت صدر(...)ساعه
****************
قلت: أنا عندي سؤال..
اعرب جملة..
(أحبك موت والله)
ضحك وقال:
ضميرمنفصل عن قلب خله
أنااعرابي لهاعكس هالكلام
هو:
ضمير متصل تقديره
(انت الكون كله)
***************
تصدق اشتقت لك ..
أنااعترف بعدك حياتي تختلف
تايه وحيــد..
أصيح باسمك وارتجف
في كل شي أتخيلــك..
ومهمــاتغيـب
عنــدي أمــل
بكــرة تــجي
وبكــل شـــوق
*اّّّ~س~ت~ق~ب~ل~ك*
***************
نفسي أقول:
إني حزيـن
إني سجيـن
~لكل ذكرى لك معي~
وأبغى أقول:
إني أنــا
أشكي العنا
~وأقول للذكرى ارجعي~
وأرجع أقول:
ليت الهوى
يجمع سـوى
~أهل القلوب اللي تعي~
ونسيت أقول:
من الفراق
الصدرضـاق
~والعين هلت مدمعي~
******************
تــاهت الخطوةعلى الدرب البعيد
والمشاعرهمهاذاك السؤال
هو صحيح اللي مضى يرجـع يعيــد
وترجع أيام المحبة والوصال
ولوصحيح الحـب به عبـد وسيـد
انت سيدي وانت عمي والخوال
****************
تدري وش كثرأحبكّ!؟
كثرالبشر..
كثرالنجوم..
كثرالزهر..
تدري وش كثرشوقي!؟
شوق الجفاف لقطرةمطر..
شوق البردلحرقةجمر..
تدري وش تكون لي!؟
انت الحياة..وانت العمر
انت القمر.. وشمس الظهر
خوفي لوغبت أغيب
ويختفي بليلي البدر..
***************
اختلفنا في وجهة نظر..
ليه ياخلي الزعل!؟
الحبايب تختلف..
وماهي تالية العمر.!
ليه ياخلي الجفا!؟
الكلام أخذ وعطا..
ليه ياخلي القطيعة!؟
ومن شراك أنت تبيعه..
***************
وقف(لحظة)
فكر معي ولو مرة
ليه حبيتك بين هالعالم كله؟
إذا تبي تساعدني اضغط على السهم مرة..
لأنك شخص ماأحد يمله..
لأنك أخذت الحسن كله..
لأنك أحلى ماخلق الله..
هذا جواب سؤالي وحله..
******************
إلى رحابك قد بعثنا رسائلنا..
تكاد تحرق من أشواقنا لهبا..
ياقارئ الحرف أهديناك احرفنا..
وقبلها قد بعثنا الدمع منسكبا..
شوقا إليك فهل ترضى (محبتنا)؟؟
مهرا وإلا بعثنا القلب والهدبا..
*************
كان المسافة ترفض إني أشوفك..
خل اتصالك غصب عنها يجيني..
وكان اتصالك يمنعنه ظروفك ..
يكفي رسايل شوق بينك وبيني..
وإن كان مالي حظ حتى بحروفك ..
خلك بعيد ومسكنك وسط عيني..
*************
جيت أبنساك
من بعد الفراق
نازعتني فيك الأشواق
حاولت أنساك
لقيت نفسي
أشتاق وأشتاق!!
حاولت واشتقت!!
حاولت واشتقت!!
حاولت ونسيت!!
~~~أنا فعلا نسيت~~~
نسيت أهلي
نسيت نفسي
لكن
نسيـ(أنساك)ــت..
*****************
تذكرصاحبك وارجع تقرب له ولوبالصوت
على آخرنفس واقف تجي ولا يجيه الموت
وأشوف الموت أحرص منك وأشوف إنك تبي موته
وأخاف إنك بعدموته تحن وتفتح التابوت
وأخاف من القهر يقفل في وجهك باب تابوت .
تقبلو ارق تحيه
المواضيع المتشابهه للموضوع: تعال لحف عيوني بليل عشت به لحظات
تعال لحف عيوني بليل عشت به لحظات
![][الجوري][ has a little shameless behaviour in the past](images/reputation/reputation_neg.gif)
العرض العادي
