اليوم الجامعي المعتاد{والله جنان ويضحكج

في احد الايام البديعه،،((امحق من بديعه))

كنت نايمه..وهاجتن اثمي والسعابيل تنحدر من كل حدبا وصوب

ومير انز على صوت المنبه،،،واناظر الجوال واثر الساعه 7 ونص،،وانقز انا وشوشتي من فوق السرير نقزه ملتهبه...
واطس للحمام،،واناظر بنفسي بالمرايا..قلت يالله من فضلك وش هالزين يابنت..كل هالجمال وللحين قاعده بداركم يالله في التأني السلامه >>>مدري وش دخلها بس ودي اقولها

المهم وانا بنص حديثي مع رويحتي واتفطن اني متأخره،،قلت كولي تبن يارس رس وانهجي ماعندتس وقت..

وراتس هالهيسه تحتريتس بالجامعه،،

واركض افرش سنوني لاصلح ما افسده الدهر..واكد شوشتي اللي مامنها امل بانها تهجد،،والبس اللبس الرسمي للجامعه،،

واكبع عباتي واركض واثر سواقنا زمان(ترا اسمه زمان)..قاعدن يمسح السياره..
وازعق ذيك الزعقه اللي بغا يكب سطل الما معه،،

قلت:انت يازفت الطين انهج اركب السياره،،واعزيلي عسا ماتطردن هالعجوز الشمطا..يالله اركب وش تحتري


المهم ونركب السياره وننطلق الى جامعة عليشه،،ذلك الصرح التعليمي الشامخ اللذي يبقى مهما تعرض لكوارث طبيعية او غير طبيعية،،

ذلك الصرح الذي حمل بين جنباته كسور وحوادث بشريه بشعه ووفيات..

ذلك الصرح اللي لو بيدي كان فجرته الى مايغدي فتافيت >>>مب القناة

وانا بالسياره اتراجد من الخوف والتوتر،،ويقول السائق زمان:انتا مابي كوم؟؟

قلتله:ما انتبهت للساعه.

قال:هادا مابي كويس..لازم في ركب ساءه أسان في كوم بادري.

قلتله:وانت الحين وش كارك يوم انك تلقف ،،،سوق وانت ساكت..

قال:انا في كلام بابا..

قلتله:والله ان قلت لبابا لا اعلمه انك كاسرن شيشته...وانت تعرف وش يبي يزينلك.

ومير يقرط،،ولو اثري طلعت ذهينه

المهم واوصل للجامعه الموقره..

وانزل ادبك..وافصخ عباتي وادلكمه بوسط الشنيطه،،وانطلق..

ومن شين الحظ المبنى بعيد..

المهم وابدا ادبك وادبك وادف البنات..تقل قايلينن لي الجنه بذاك،،

واركض واوصل وانا وجهي مزورق من الركض،،

المهم اني وصلت عند باب القاعه وانا اتراجد من الخوف لا تطردن قطعة هالمصريه واغدي بنص ثيابي >>>لاتفهمون غلط



واطرق الباب قلت لعل وعسى تحسبن مؤدبه وتدخلن،،

المهم طرقت الباب ودخلت راسي اويدز..ومير انخبص قليبي من الروعه ماشفت الا مناظره اللي تقل درايش من كبرهم ...

وتقول:عاوزه ايه ياماما؟؟

قلت:ابد بدخل انا عندتس.

قالت:واللهي؟؟>>>تناسبا مع اللهجة المصريه

قلت:ايه والله،،يمكن انتس ما انتبهتيلي قبل..بس اوعدتس اني اغدي شاطره.

قالت:صحيح؟

قلت:ايه..قسمن.

قالت:اسمك إيه؟

قلت:..فرحتي ويدلعوني فروحه >>>والله من الملاغه بعد

قالت:خصم 5 درقات.

قلت:وراه يا استازه..انا شاطره واعئبك اوي اوي...

قالت:انا مش اوستازه..انا دكتوره..

قلت:طيب اسفه..بس ربنا يخليكي ما تنأصينيش..دخلين واللي يعدي عنتس.

قالت:انتي بتفتكري محازرتي،،عماره من غير بواب..

قلت:لا..انتي البواب.

قالت:وكمان بتتمسخري.

قلت:لأ مش كدا..انا كنت تعبانه،،جايتن الماخوذه،،وخبرتس بنتعب اوي لما حضرتها تشرف ..تفتكري ايام زمان..ايوه ماهي ايام وعدت،،ماتزعليش كلنا حيقي يوم ونودعها بس انتم السابقون ونحن اللاحقون.

قالت:انتي بتؤلي إيه؟؟

قلت:ونبي لانتي مدخلني المحازره،،آنا فوتات شاطره،،

قالت:مع السلامه..وريني عرض كتافك.

قلت:وشوله الاحراج..ماودي اتفصخ قدام البنات،،عقب اذا قضيتي وريتس عرض كتوفي.

قالت:لوسمحتي اطلعي برا ححسبك غياب النهارده.

قلت:تكفين لا..انا زي بنتك.

قالت:تفضلي اوخرقي.

قلت:اخر كلام؟

قالت:

قلت:طيب لاتنفخين انتي ومناظرتس.

ومير اطلع انا وشنيطتي،،،واروح ادور صديقاتي واقعد افنش معهم من الكافتريا فنش مبرح واحتري الباب يفتح الساعه 12 الا ربع>>انا مدري وش سنع هالربع يعني،

المهم فتح الباب والحمدلله طلعت واركب السياره وانا اقوطر من الحر..واقول لزمان الحين يازمان انتم عندكم جامعه رهيبه مثل جامعتنا،

ومير جا يبي يخنبق علي...ويتفلسف فلسفه مادري وش تبي،

قلتله:اوص لا تحكي ولا بعلم بابا >>عجبها الموضوع

وصلت البيت ونزلت،،واثر امي وابوي والدحش اخوي قاعدين يتغدون،،وادخل والشرر يتطاير من عيني والدموع تقل ماصورة مويه منفجره.

قلت:الحين فوق ما انا مطروده من المحاضره وفوق الحر وفوق الماخوذه تتغدون وتخلونن؟؟ ليش ليش؟؟ وش انا مزينتن لكم؟ وراكم تسحبون علي،،وتجحدون الغدا عن؟؟ها؟ليش؟ ليش؟

وامي وابوي على روسهم 3 كراتين علامات تعجب.

والدحش كالعاده يهنش ما كأن به احد يهرج.

وتنحمي تسبدي واروح ادبغه بشنطتي على دميجته واهج لغرفتي واقفل الباب وافتح المكيف وانجدخ على فراشي واطلع كرتون التوكس وكيس الدوريتوس واقعد اهنش..
.................................................. .................................................

مايستفاد>>عاجبتها الكلمه
1-ركبو الساعه زين.
2-لا تهرجون لهجة غيركم الا اذا كنتم ضابطينه مثلي يعني >>>كثري منها
3-لاتطلعون حرتكم بحد اذا جتكم الماخوذه.
.................................................. ...............................................

اخواني اخواتي انتو قريتو الكلام واكيد انتو حسيتو انه حكي قصمان بس انا مو قصسميه حبيت اغير اللهجه شوي تراه منقول لا تقولون بعد