الخـــوف من الحب...!!

السلام عليكم

الخوف من الحب
بو محمد(صالح): رجل أعمال كبير عنده شركه داخل فيها شراكه مع اعز ربعه سالم .
ام محمد(لطيفه): انسانه مسيطره على عيالها ومع كذا طيـبه وكلمتها لازم تمشى مهما كان .
محمد: اكبر اولاد صالح و يـده اليميـن عمره 32 متزوج هدي وعنده أربع أطفال أكبرهم
صالح 7 وبعده مهند 5 سنوات وبعده التوم مرام وماجد عمرهم 3سنوات.. يتميز محمد بقلبه
الكبير وهو حنون خصوصا على أخته سارا . عبدالله: عمره 28 متزوج مها وعندهم ولد فهد
سنـتيـن ونص. .. ما رضا يشتـغل مع أبوه وعنده أعمال حره. سلمان: دلوع امه ..... شاب
صايـع مهنـته الدوران في الشوارع والمجمعات يدرس هندسه كيميائيه بجامعه الملك فهد
بالظهران ..مملوح وحلو ما بقى بنت بالخير والشرقيه الا ووشبك معهاعمره 22 سنه.
سارا: اصغر عيال صالح قمه الانوثه والنعومه.تـؤمن بـقصص الحب مره ... اخوانها
مدلــعـيـنـها خصوصا اخوها محمد الكبـيـر وامها وابوها مو مـقـصريـن بعد...عمرها 19 سنه
ناجحه من سنه اولى جامعه تصميم داخلى بجامعه الملك فيصل

عايله سالم: سالم(بوعمر) : رجل أعمال كبير ورجل غنى مره ....صديـق صالح من وهو صغار
ودخله مع شريك في احد شركاته ..انسان خلوق وكريم
ام عمر(فوزيه): على نياتها وطيبه لاقصى حد يعنى مثل ما يقولون تحطها على الجرح و يـبـرى.
عمر:اكبر عيال سالم عمره 31 زوجته توفت قبل 3 سنين وماعنده منها الا بنت مي عمرها 6 سنوات
وعايش عند جدتها فوزيه.
نورا: الاخت الكبيره29 سنه متزوجه من ولد عمتها وعندها حصه عمرها 5 سنين وهند عمرها 3
وهي حامل .
عبدالعزيز: الولد الثانى من عيال سالم خريج جامعه دنفر بكلورادوا ه ..افكاره شوي متحرره
خصوصا بسبت دراسته بالخارج... مسيطر وعنيد.عمره 27سنه. منيره : صديقه سارا وتدرس
معها بالجامعه .. رهف: اخر العنقود متخرجه من ثالث ثنوي ومحتاره ايش تدخل بالجامعه.
الفصل الاول الجزء الاول: سارا والدموع ماليه عيونها: يمه تكفين لو سمحتى مابي اروح
مابي اطلع من البيت كذا والله حرام ..حرام الي تسونه فينى.
ام محمد: اقول بلا دلع ويالله جلسى هاديه خلي المراه تعرف تحط لك ميكياج ولا تفشلينى قدام الناس.
سارا: حتى عرس ما سوتوا لى وتبونى ما اتكلم والله حرام .. ما كانى بنـتـكم .. وقامت تصيح فيفيان
اللبنانيه الي تحط الميك اب: بس يا سارا تؤبرينى ..ليه تعملى بحالك هيك ..انـتى عروسه
زي الامر ..خلاص ما تعيطي. سارا : انتى ايش لك يالله برى مابي احد عندي خلاص
انا ماراح اطلع يعنى ماراح اطلع. ام محمد: اقول احترمى نفسك يا بنت لا تكلمنى المراه كذا ..
يالله عن الدلع لا انادي ابوك واخوانك يشوفونك. تـتـطلع ام محمد من الغرفه وهي معصبه وسارا
مرميه على سريرها وهي ميته من الصياح. ا م محمد وهي طالعه تـقابلها هدى ومها حريم
عيالها هدي : خالتى ايش فيك ليه معصبه . ام محمد: والله تعبت من هالبنت ما ادري ايش
اسوي لها ..قاعده تصيح ومو راضيه للمراه تحط لها ميكياج ...يا ليت تروحون وتتفاهمون معها .
هدى: انشالله خالتى لا تحاتين بنروح لها الحين .. يالله مها خلنا نكلم سارا. نزلت ام محمد تحت عشان
تشوف اذا البوفيه وصل من المطعم والا ما بعد وتشوف الوضع اذا كان تمام عشان العشى الي
مسوينه بمناسبه زواج بنتها سارا ... وخروج سالم من المستشفى بالسلامه... ......
مها وهي داخله غرفه سارا: سوير الله الله كل هالدموع عشانك بتشتاقين لنا يالدبه. هدى راحت
عند فيفيان وقالت لها تطلع برى شوي وبعد دقايق بتناديها .. وطلعت مع الثنتين الي معها.
سارا وصوتها كله صياح:.والله انى بشتاق لكم ..انتى راضيه يا مها على الي صار ..
ما كانى بنتهم كاني بضاعه يزوجونى كذا ... حتى الزواج دخلوا فيه المصالح ..
والله حرام لا الله ولا رسوله يرضون بهالشي ..لازم ياخذون راي البنت مو كذا زوجونى غصب.
هدى: الله يهديك يا سارا ..وهذا انتى قلتيها زوجونى ..يعنى خلاص الزواج وتم ...والا تبين تصيرين مطلقه. سارا: ايه عادي ولا اعيش مع واحد ما احبه ولا يحبي ..وتزوجنا عشان مصلحت الاسره ..
مها: ومين قال انه ما يحبك او متزوجك عشان مصلحه. سارا: ليه يعنى تظنون انى غبيه او انـتى
تـتـغابون ... لي اسبوعين مملكه ولا عمره كلمنى كلمه ..ولا شفته الا يوم الملكه ..
وما شفته الا ساعه بعدين خرج ولم يعد ..شكله هو مغصوب مثلي. مها: الرجال ما ينغصب ..
لا تفكرين كذا بس انتى تعرفين الظروف الي مروا عليها بيت عمي سالم ..
لولا مرض عمى وطيحته بالمستشفى ..والا كان سوينا لك عرس كل اهل الخبر يتكلمون عنه ..
بس الظروف هي الي اجربتنا. هدى: انشالله يا سارا اذا رجعتى من شهر العسل بنسوي لك حفله
كبيره وتعزمين فيها كل الي تبين. سارا: ليه حفله تبونى احتفل بانتحاري.
هدى: الله انتحار مره وحده..حرام يا سارا والله عبدالعزيز نعم الرجل ومحمد دايم يمدحه لي ..
رجال بمعنى الكلمه. مها وهي تغمز: ويقولون حلو وطويل.
سارا: ترانى شفته مو لازم تقولن لى شكله اعرفه ..والا نسيتى انى صديقه اخته ..
واصلا هو عصبي ونذل مع خواته ..منور دايم تشتكي منه يقولون هو غير عن عمر..
دايم يخرب عليهم الطلعات ويعصب مره ويتهاوش كثير معهم. هدى: اقول بلا حركات بزاره تراك
كبرتى .
سارا: والله مو كبيره ولا وحده من صديقاتى تزوجت الا انا ..لا وبالغصب بعد ...
ورجعت تصيح مره ثانيه مها وهي تجلس جنب ساره وتضمها لها : خلاص يا حبيبتى ..انشالله بتسانسين بعد الزواج وتضحكين على حركاتك الحين .
سارا وكلامها مو واضح من الصياح: بس انا ما احبه ما احبه.
هدى: والله ما خرب عقلك الا هالافلام الرومانسيه الي تشوفينها والقصص الي تـقرينها ..
والا حنا وش لنا بالحب الي قبل الزواج ..ترانا مو غرب حنا عرب لا تنسين ..
والله دلع وتطلع من الغرفه ..ما جلست الا مها بحكم انها تعتبر اقرب بالسن من هدى لسارا .....
حاولت تهدى سارا مها: خلاص حبيبتى ولا يصير خاطرك الا طيب بس انتى لا تصيحين.
سارا : يعنى ماراح تزوجينى. مها: الله يهديك يا سوير انتى خلاص تزوجتيه ولا ناسيه .
سارا: شلون انسى بس عادي خلونى متزوجته بس مابي اطلع من البيت ما بي اروح معه
واجلس معه بروحي ..ترى ما عمري جلست معه وحدنا حتى بالملكه كان سلمان معنا.
مها : هههههههه ايش هالكلام ...نشوف بعد وش بتسويـن بتـكونيـن انـتى الي تبـيـن تجلسون وحدكم .
سارا وهي لازال تصيح: والله لا والله لا. مها: خلاص سوير والله قطعتى قلبي هالدموع ماراح
تنفعك بشي يالله قومي غسلى وجهك وخلى البنت تدخل وتسوي لك الميك اب لا تـنسيـن منور بتجي
بدري ..وفشيله تشوفك كذا. سارا: اصلا منور تدري اني ما ابـيه.
مها : ويه فشيله انتى قايله لها انك مجبروره على اخوها.
سارا: ايه والا انتى ناسيه انها صديقتى مره. مها: لا بس مو كل شي تقولينه لها خصوصا هالشي.
سارا: لا عادي خلها تعرف انى ما اطيق اخوها. مها: وايش قالت لك. سارا: مو لازم احبه اهم شي انى بكون معها ببيت واحد.
مها: ليه انتى بتعيشين معهم بالبيت.
سارا: ما ادري والله ما ادري.
الا ينفتح الباب وطلع لهم راس منيره وهي تقول بصوت عالي: انا جيييييييييييييييييييييييييت.
مها: هلا منور منيره يوم شافت عيون سارا منـتـفـخه من الصياح دخلت على طول وهي تـقول:
سويـر ايش فيك .
سارا رجعت تصيح مره ثانيه وغطت وجهها بايدينها. مها: رجعنا للسفورنيه .
منيره: مها سارا ايش فيها. مها وهي متفشله:والله ما ادري عنها شوفيها انتى.
وألتفت على سارا: يالله سارا انا بنزل اشوف خالتى ايش تبي وبناديى لك سوزي تدخل بعد
عشر دقايق..لكم بس عشر دقايق تـتـكلمون فيها. وطلعت مها وهي طالعه قالت لمنيره الي واقفه
ومو عارفه ايش تسوي.: منور حبيتي احد جا معك.
منيرانتبهت لمها: هاه لا بس انا جابنى عمر ..اهلي بيجون بعد صلاة العشاء.
مها : انشالله يالله عن اذنكم. وطلعت مها وسكرت الباب منيره وهي متردده ما تعرف ايش تقول.:
سارا ... سارا لازلت تصيح ولا تكلمت.
منيره : سوير خلاااااص ...ما يصير تسوين كذا.
سارا: منور انتى اقرب وحده منى ...انتى الي تعرفين اسراري وتعرفين احلامي ...انا احلامي تحطمت. منيره: سارا ..لا تعيشين خيال ..انتى عارفه ان احلامك ما تتحقق الا بالافلام ...
والا احنا متى صار عندنا حب قبل زواج ...بذمتك اخوانك محمد وعبدالله كانوا يعرفون زوجاتهم
قبل الزواج.
سارا: ايه مها بنت خالتى .... وهدى بنت صديقه امي.
منيره: يا ذكيه انا قصدي كانوا يحبونهم... امي وابوك اخوي عمر واختى نورا ..كلهم تزوجوا مثل
كل الناس ليه انتى تبين تصيرين غير ..قالت تبي تـتزوج واحد تحبه.
سارا: بس حنا بالقرن الواحد والعشرين. منيره: يووووووووه هالبنت بتذبحنا ..ياختى حنا
مسلمين ماعندنا تعارف قبل الزواج.
سارا: انا ما قلت ابي اتعرف.
منيره: اجل شلون بتحبـيـن.
سارا: يعنى احب واحد من غير ما اكلمه.
منيره: لا والله ضحكتينى ..اقول جب ترى عطيتك وجهه ولا تنسين انك الحين حرم اخوي ...(
وتغمز لها) سارا: لا تذكرينى تكفين.
منيره: لا جد ازعل منك بعدين ..ترى اخوي طيب ويهبل.
سارا: مو كلامك هذا قبل لا يتزوجنى.
منيره: هههههه الله يهديك يا سارا هذا اول كنت بزر.
سارا: لا والله قبل شهر كنتى بزر هاه.
منيره: سوير يالله بس والا هالجزمه على راسه بروح انادي سوزي عشان تعدل هالخشه عل
وعسى تطلعين حلوه..ابيك تخبلين اخوي عليك اليوم.
سارا: اخوك كانه ما شافنى...شافنى ولا حتى عبرنى.
منيره: سارا لا تقولين كذا انتى ادري بحالنا ذاك الاسبوعين ..وتدرين ايش صار لابوي الله يطول
لنا بعمره.
سارا: امين ...والله انى احب عمى سالم ..والا لو ما احبه كان سويت علوم.
منيره: هههههههه اكثر من الي سويته.
سارا: بس ليه الحين... خلونى اتعود على انى متزوجه اول.
منيره: انتى تدرين رغبت الوالد وانشالله اذا رجعتى انسوي لك حفله..ابوي يبي يشوف
عبدالعزيز متزوج باقرب فرصه ..لولا مرض ابوي كان سوينا لكم زواج بس ما دمناكذا
ماراح نسوي ..ليه ما تتزوجون ايش يمنعكم.
سارا: الله يعين... الا تعالي انا وين بسافر.
منيره:هههههههه ..شف عروس ما تعرف وين بتروح بشهر عسها وهي بتسافر هالليله.
سارا: والله ما اعرف مين يقول لي يعنى ..اخوك؟؟
منيره وهي متفشله من اخوها لانه ابد ما كلم صديقتها ولا جا يشوفها من اول ما ملك عليها :
سارا قلت لك اعذري عزيز والله كان عنده ضغط...يالله غسلي وجههك وانا بروح انادي سوزي..
لا تنسين انى بتمكيج بعد هنا.
سارا: انشالله ...وقامت للحمام تغسل وجهها ....جلست منيره على الكرسي وهي تفكر بخوها
وشوي تذبحه وتذكر كيف استغربت يوم عرفت ان ابوها خطب صديقتها سارا وبنت اعز ربع
ابوها لولده عبدالعزيز الي مفهم العايله انه مستحيل يتزوج خصوصا بعد ما شاف ايش صار لخوه
عمر يوم توفت زوجته فاطمه ..عمر كان متزوج وعايش مع زوجه قصه حب ولا اروع ...
وبعد خمس سنوات قدر الله ان فاطمه تموت بحادث وتركت عمر وبنـتها مي 3 سنوات وحدهم...
عمر تحطم بعد وفاة زوجته ...وتبدل ذاك الاخ الي كان دايم يضحك...حتى بعد مرور 3 سنوات
من وفاة فاطمه..عمر ما رجع مثل اول وهذا الي مقطع قلب امه واخواته عليه ...
ولان عبدالعزيز اقرب الاخوان لعمر ..اهو اكثر واحد كان حاس به...وماخذ عهد بينه وبين نفسه
ان قلبه راح يكون ملكه هو وحده ومستحيل يسلمه لانسانه ممكن تروح عنه وتاخذ قلبه معها مثل
ما صار لعمر اخوه ....يوم خطب ابوه سارا بنت صالح له ..بالبدايه عارض لانهم خطبوها
وهو مسافر ولا اخذوا رايه ..بعدين احترم ابوه الي كان قصده يقوى علاقته بصديقه وتكون بينهم
علاقه نسب مو بس صداقه خصوصا انه كبر وما يضمن ان الشراكه تتم بين العيلتين بعد
ما يتوفى ..فحب يزيد العلاقه بالزواج ...وصالح الي وافق لانه مايبي يرد صديقه ويخاف
انه اذا رده تنقطع روابط الصداقه الي بينهم مع انها مره قويه فاجبر بنته انها تتزوج من
ولد صديقه ......وفي يوم الملكه بعد ما رجعت عايله بو عمر لبيتها طاح عليهم سالم مريض ..
لانه من فتره كان يحس بشي بس ما حب يروح للمستشفى ومع ربشت الملكه تعب وطالح ....
وبالمستشفى لحقوا عليه بسرعه وهذا الي خلى عبدالعزيز ما يطول في بيت زوجته...
شخصوا حالة سالم ان قلبه ضعيف والمفروض ما يجهد نفسه ...سالم خاف ان هالشي ياجل
الزواج ...فاصر انهم يتزوجون اول ما يرجع البيت ...وبالفعل بعد اسبوعين من الملكه رجع
سالم لبيته وصالح قرر يسوي له عشى كبير ...فقال سالم ان العشى راح يكون عشان سلامتة
وعشان زواج ولدة بعد ..محد قدر يعارضه او يقول شي بسبب حالته وانهم ما يبونه ينفعل...
وتم الي يبيه ... ........... وفي بيت سالم ... الكل خايف وماهب عارف ايش يسوي لان عبدالعزيز
الى الحين ما يدرون وينه من طلع الصبح والحين اذن المغرب وهو ما رجع البيت ولا حتى
رد على جواله ...مابقى الا ساعتين ويروحون بنت بو محمد ...والعريس ما يدرون عنه ...
فوزيه ونورا بنتها جالسين بالصاله وهو لابسين وجاهزين مع سالم ..
ام عمر: يالله يهديك يا سالم مو زين عليك الانفعال انشالله عبدالعزيز جاي والغايب عذره معه.
نورا:ايه يا ابوي ما يصير كذا تعرف ان الدكتور موصيك ما تنفعل او تجهد نفسك.
سالم: بس هالشي ما يصير الولد لين الحين ما ندري عنه ...او وينه ...والحين عمر وين فيه.
فوزيه: عمر اخذ منور ونزلها بيت صالح وراح يدور على اخوه وانشالله برجعون اثنينهم.
سالم: الحين انـتوا متى اخر مره دقيتوا على عبدالعزيز.
نورا: يـبه جواله مقـفل ..يمكن ماعنده بطاريه ...انشاللله بيجي.
وتـنزل رهـف وهي تصرخ.: نورا عيالك طفروا بي ...زهـقونوى تبـيـن تلبسينهم ..روحي لبسيهم
او خلي ماريا تلبسهم ..ترانى مو بـيـبي ستر .
فوزيه: الله يهديك يا رهـف ..ما تشوفين بطن اختك ايش كبره ..مافيها شده على عيالها ..
وتعرفينها ما تواطن الشغاله تلبس عيالها.
رهـف: وعلي انا الشغل. نورا ساكتـه وهي تبتسم مسلمه امرها لامها ..
.سالم وهو معصب: اقول رهـف فارقي عن وجهي والله انك فاضيه حنا في مشكله اخوك
وانتى تـتـكلميـن عن هالبزارين.
رهـف ويدها على قلبها: ليه ايش فيه اخوي ..اي واحد فيهم عمر او عبدالعزيز.
نورا: لا مافيهم شي بس ماندري وينه عبدالعزيز ..اقول رهـف وينهم بناتى خليهم ينزلون
انا بلبسهم ما احتاج لخدماتك مشكوره.
رهـف : ايه احسن فكيني منهم كافيتـنى مي.
فوزيه:يا حياتى مي ما شفتها اليوم وينهي؟؟
رهـف: لا تخافيـن فوق ما بقي بدله الا جربتها تـقوليـن هي العروس مو سارا ..ومنور الدبه
راحت وخلت الشغل كله علي.
سالم: لا هي راحت تجلس مع سارا ..وأخيرا هالبنت بجي عندنا والله انى احبها من يوم كان
يجيـبها أبوها بالشركة عندنا ...بس انشالله عبدالعزيز ما يخرب شي.
نورا ورهـف : يـبه وحنا ويـن رحنا.
سالم:ههههه انـتوا الأساس بس حتى سوير غالية والا نسيتوا هي بنت مين..
نورا: والله يا بوي انا ابي اعرف عمي صالح ايش مسوي لك عشان تحبه هالكثر.
فوزيه: انا من اول ما اخذت ابوك وهو ما يكلمنى الا عن صالح. سالم: هذي عشرة عمر...
صالح مو صديقي وشريكي بس ..صالح اخوي الي الله ما رزقنى به .. انا من وعيت لدنيا وانا مع
عمكم صالح
رهـف وهي تبتسم: الله يخليكم لبعض.
نورا: ها رهوف بتلبسيـن عيالي او البسهم انا؟
رهـف وهي تشوف بطن نورا المنـتـفـخ بعصبـيه: امرنا لله نـنـتـظر هالحلو يطلع عشان نفتك من
الشقى الي انا فيه.
نورا: الله اكبر صار شقى هذا وانـتى بعد ما ترضيـن تسويـن كل شي ..الله يخلي منور لي.
رهـف: اقول لا تـنـسيـن ماراح ينـفعك اليوم الا انا.
نورا: ههههههههه طيب لا تـمنيـن.
سالم: اقول نورا جربي تدقين على اخوك .
نورا :طيب ......... في الكورنيش عند جسر الملك فهد ..في مكان فاضى ما فيه احد الا واحد
جالس على الشاطئ وحاط الشماغ على كتفه ويتامل البحر...كان قاعد يفكر ..ايش بتـكون حياتي ..
بقى ساعات وبعيش مع انسانه ما اعرفها ولا قد شافتها الا مره وحده صح ان هالانسانه الحين
هي زوجتي على سنه الله ورسوله قدام الناس كلهم ..بس انا ابدا ما احس اني متزوج ولا مأيد
هذا الزواج..انا ما انكر انها سحرتـني بجمالها وببرائـتها ما توقعتها كذا ...بس هي صغيره
هي كبر اختي منيره ..حرام والله يزوجونها وهي بهالعمر .. اهلها كيف وافقوا ..كيف هي وافقت ...
بس صح عمي صالح مستحيل يرفض طلب من ابوي مهما صار ...سارا ...اههه يا سارا مين انـتي ..وميـن انا بالنسبه لك ..يا ترى هي فرحانه انها بتـتزوجنى ..او هي مجبوره مثلي
على الزواج ... بس انا مو مجبور ..انا راضي بالزواج ...يووووووووه انا ايش قاعد اقول خلاص
كل شي تم ..............يا ترى هي طبعها مثل طبـع اختى ... يعنى دلوعه وعلى اتفه شي تصيح..
انا اكره ما عندي منور او رهـف يصيحون ...يوه اذا صاحت ذي ............ايش اسوي اجطلها مثل
ما اسوي بخواتى ..والا اراضيها مثل ما يسوي عمر ...والله بلشه الله يهديك يا ابوي ...
فجاه سمع صوت سياره وراه ..التفت الا شاف بي ام سودا .....
هذا ايش جابه الحين شاف الساعه كانت 4 ونص العصر ...يووه تاخر الوقت من متى وانا هنا ...
وقفت السياره ونزل منها واحد طويل و حلو له دقن خفيف ولابس ثوب بس ..
قرب من ويـن جالس عبدالعزيز على الارض وجلس جنبه.... وقام يتامل البحر وهو ساكت..
عبدالعزيز وهو يشوف البحر : ايش دراك انى هنا..
عمروهو بعد مو ملتفت على اخوه:
انت تدري انى اعرف انك تحب تجلس هنا بروحك اذا كنت مهموم او متضايق.
عبدالعزيز ولازالت عيونه على البحر: انت قلتها اجلس بروحي ..يعنى ليه جاي.
عمر: والله ما اظن ان هالمكان ملكك عشان ما ترضى لي اجلس هنا.
عبدالعزيز وهو يقوم : اوكي تمام خلاص بترك لك المكان فمان الله.
عمر يمسك يد اخوه: هيه ويـن تعال ... انت على طول تعصب ...عزيز ايش فيك ..........
ناسي انا مين.
عبدالعزيز: اااااااه يا عمر والله لو تدرى بالصراع الي فينى الحين.
عمر: هذا وانت خلاص تزوجت يوم المكله ما سويت كذا ..نسوي الحين ..ليه انت ما ارتحت معها؟؟
عبدالعزيز: شلون ارتاح او ما ارتاح وانا عمري ما كلمتها.
عمر وهو فاتح عيونه: شلووووووووووووووون .
عبدالعزيز: الي سمعته ما كلمتها ولا مره ولا شفتها الا يوم الملكه.
عمر: وليه لك اسبوعين مملك .
عبدالعزيز: انت ادري بالظروف الي مرينا فيها.
عمر: لا والله عذر اقبح من ذنب..الله يعينك يا سارا ويصبرك على اخوي.
عبدالعزيز: هيه انت ايش الله يعيننها ..محد قال لها ترضى تتزوجنى.
عمر:افا يا عزيز ما يصير تقول هالكلام البنت مو ذنبها هالشي وانت لا تضايق ابوي ترى مو ناقص...
عبدالعزيز: بس انا مابي اتزوج ..(وبصوت عالي) يانااااااااااااااااااس مابي اتزوج.
عمر: وليه فهمنى.
عبدالعزيز ومن غير ما يحس: مابي اتزوج واحبها وتتركنى مثل ما تركتك فاطمه.
عمر وهو منزل راسه: الله يرحمها.
عبدالعزيز حس بنفسه: والله اسف يا اخوي مو قصدي اعذرنى.
عمر: مسموح ..ما يجوز تقول كذا الي صار لى قضاء وقدر وما يصير تربط نفسك بي.
عبدالعزيز: خلاص هالشي صار وتم والي يبيه الوالد بيصير بس حب مستحيل احبها.
عمر: الله يهديك بس يالله قول ابوي معصب بالبيت وقال لي ادورك يقول من الصبح يدق وانت ما ترد....
عبدالعزيز: ايه مقفل الجوال..
عمر: يالله قوم ..من قدك الليله بتسافر .. حنا شغل وكرف.
عبدالعزيز: لا والله مستعد اشتغل 12 ساعه بس مابي هالسفره.
عمر: يالله قوم بس ..قال مايبي يسافر ..يا اخوي شهر العسل احلى شي بالزواج حتى اسالنى
انا ..خصوصا ان المراه تكون توها تستحي...
عبدالعزيز : الله يكون بالعون والله مو عارف شلون اتصرف وايش اقول..
عمر: الله الله ...الاخ مرتبك.
عبدالعزيز: هيه ترانى ما اعرفها اكيد برتبك.
عمر: وذنب مين هذا كان عندك اسبوعين تقدر على الاقل تتعرف عليها.
عبدالعزيز: انا بطلب من الوالد انه ياجل الزواج.
عمر : والسفر؟
عبدالعزيز: عادي نلغيه.
عمر: اقول ترى بسطرك كف والله انك ماصخ ...يالله قوم ويدق جوال عمر... عمر : هذا البيت
يالله بقول لهم انك ماعندك بطاريه وانت ترتب بعض الامور فاهم.
عبدالعزيز :
تم. عمر يرد على التليفون: الووو نورا: هلا والله عمر شخبارك يابو مي.
عمر : بخير الله يسلمك شخباركم انتوا.
نورا: اقول عمر عبدالعزيز لقيته.
عمر: ايه هذا هو جنبي
نورا: وين كان ترى امي خايفه مره وابوي معصب ..توه قايل لي ادق عليه وشفت جواله مغلق .
عمر: لا ماعنده بطاريه والشاحن مو بالسياره ..كان عنده كذا غرض وخلصهم وهذا حنا راجعين
البيت.
نورا: أحلف خلنى اكلمه عشان تاكد.
عمر: اقول استحي على وجهك رجال ايش كبري وايش عرضى تبينى اكذب عليك ..
نورا: والله سورى مو قصدي يا بو مي بس تدري ..
عمر: المهم شخبارها مي انشالله عدلتوها ابيها تكون احلى من في العشا.
عبدالعزيز وهو يدز عمر: ماراح تكون احلى من حرمتى.
عمر وهو يضحك : هذا الي ما يبي وما ادري ويش والحين يدافع عنها.
عبدالعزيز: لا تصدق بس تدري بنتك شيفه ومستحيل تكون احلى وحده.
عمر: اقول جب ..الشرهه مو عليك الشرهه على الي عطاك وجه ..
مي تسوي عشرة من امثالك فاهم .
عبدالعزيز : هههههههههههههه يالله انا راجع وقام وراح لسيارته وراح عمر بعد لسيارته وتذكر
ان نورا لازالت على التليفون.
نورا: اللللللوووووووووووووووو عمر وينك عمر: ههههههههههههه هلا انا معك نورا: لا احلف
بس...لي ساعه ابـبـنبـع ولا احد يرد علي تراك بتخسر ابوي.
عمر: لا الخير واجد لا تخافين.
نورا: وين رحت؟؟
عمر: هذا عزوي يقول ان حرمته بتكون احلى من ميونة قلبي. نورا وهي فاتحه عيونها
وتصارخ: احلففففففففففففففففففففف
عمر: وجع فقعتى اذنى ..وليه اكذب تراك مصختيها اليوم كل دقيقه مكذبتـنى.
نورا: لا بس مستـغربه ..عزيز يتـغزل باحد ..مو خابرتـه يعرف يفرق بـيـن الغزال والقرد
عمر: اقول ضفي وجهك بس يالله ما احب اتكلم وانا اسوق ربع ساعه وواصليـن البيت ..
ولا تـنسون تجهزون عروستى عشان اخذها معي.
نورا : الله يخليها لك وخليك لها يالله مع السلامه بروح ابشر اهلي
عمر: مع السلامه. سكر التليفون وهو مبتسم ..واخيرا بـيدخل بـيـتهم الفرح ..
صدق ان عبدالعزيز مو موافق على هالشي ..بس هو حاس ان دخول سارا لبـيتهم بـيكون فاتحه
خير للكل. ....
عبدالعزيز رجعت الافكار له حاول يطردها وشاف نفسه بمراية السياره ..لاحظ انه لازم يحلق ...
اخذ جواله وفتحه وعلى طول يطلع له صوت مسج وبعده مسج وبعده مسج ..لين وصل
عددهم 7 مسجات... فتحهم وشاف كلهم من اهله ويسالونه وينه ومتى بيجي ومن هالكلام ...
ابتسم واعرف كيف هم كانوا خايفين ومايبونه يحرجهم او يحطهم في موقف ما ينحسدون عليه ......
دق على اخوه عمر ...
عمر: هههههههههههه ما اسرع اشتـقت لي
عبدالعزيز: روح انت وجهك هذا وانت سابنى قبل شوي ..لا بس بقول لك انى ماراح اروح البيت
بمر الحلاق قبل تدري ما يصير اروح للعشا وانا اقزز
عمر: اوووووووووووووه الاخ يبي يسحر العروس..
عبدالعزيز: اقول باي عمر: ههههههههههههه مع السلامه عبدالعزيز:
عمر والله انك سخيف.. عمر: مو توك تـقول باي عبدالعزيز: المهم قول لهلي انى بعد ساعه
بالكثير بجي عمر: يوصل. وراح عبدالعزيز للحلاق وبعد ما خلص رجع للبيت ....
اول ما دخل قابلته هند بنت اخته نورا... عبدالعزيز وهو يشيل هند: هلا والله بهنوده عطي خالو بوسه.
هند وهو تـتلوى في حضن خالها: مااااابي ابي ماما عبدالعزيز وهو ينزلها: يا سخفك من جد
ما تستاهلين احد يعطيك وجه والا ماافي احد ما يتمنى يعطنى بوسه.
رهـف وهي تضحك : مصدق نفسك مره ..لا وتكلم هالببزر كانها بتفهم.
عبدالعزيز: يمه من وين انتى طلعتى بعد؟
رهـف: انت الي وينك تراك خوفتنا.
عبدالعزيز: وين ابوي وامي...
رهـف : بالصاله ومع اخوانى..
عبدالعزيز: كلهم مجتمعين.
رهـف : ايه الا منور عند العروس هههههههههه
عبدالعزيز: لا تضحكين..
رهـف: انت بس تفشل فينى الله يعين سارا عليك...
عبدالعزيز: يا حظها فينى رهـف وهي تبتسم بحنان: ايه صح وياحظك فيها بعد عبدالعزيز استغرب
من اخته اول مره تشوفه كذا وتبتسم له هالابتسامه ...ابتسم لها بعد وراح للصاله وين
ما اهله جالسين......... ...
سالم: واخيرا المعرس شرف ..
فوزيه : وينك يا وليدي خوفتنى عليك..
عمر: كان يتـكشخ لزوجته ما تشوفه محلق ومضبط العوارض والشنب
فوزيه: عقبالك عمر يلتفت بسرعه لا امه ويناظرها بعتب لان بنته مي جنبه
سالم: امك ما قالت شي وليه تشوفها كذا...
عبدالعزيز:ههههههههه طاحوا عليك فكيتـنى..
سالم: استح احد يقول على اهلى انه افتك منهم
عبدالعزيز: مو قصدي يا يبه على العموم انا بروح اسبح واجهز ....
نورا: الا تعال عزيز انت وين بتسافر اللليله تصدق انى ما ادري..
عبدالعزيز: اذا كنت ما قلت للعروس تبـينى اقولك انـتى..
نورا بدلع: عزوييييييييي عبدالعزيز فاتح عيونه ايش فيهم خواته اليوم بالعاده رسمين معه بس
مع عمر عادي : عزوي اصغر عيالك انا........
نورا : لا بس يالله من جد رهـف: ايه صح يالله وين والله ما نقول لسارا ندري انك تبي تسويها
مفاجئه
عبدالعزيز ابدا ما كان قصده مفاجاه ولا شي بس ماداموا فهموها كذا براحتهم
عبدالعزيز: اوكي بقول لكم بس ما تقولون لها طيب
نورا ورهـف: واللللللللللللله ما نقول
عمر: بيروح للندن
عبدالعزيز: يا ملقووووووووووف
نورا: ليه لندن فيها عرب كثير وزحمه
رهـف: ايه روحوا باريس لانها بلد العشاق او ايطاليا حلوه لشهر العسل ..
والا ماليزيا بلد العرسان
سالم: وانتى ايش دراك يالجنيه
رهـف وهي مرتبكه: هاه لا بس اسمع البنات
فوزيه: والله هالبنت قشره ماادري طالعه على مين؟ مي تـتـكلم بصوتها الناعم وبكل هدوء:
عمي ليه ما تروح اسبانيا انا بابا وماما راحوا لها بشهر عسلهم؟ عم السكوت المكان والانظار
توجهت لعمر وبنـته ..و ينـتـظرون رد عبدالعزيز.....عبدالعزيز راح لبنت اخوه الي يعشقها غير
عن عيال نورا وقال: لو رحت لها ماراح تكون خاصه لامك وابوك ....والا انتى ايش رايك؟ مي وببتسامه حلوه تجمل وجها البرئ:ايه صح اسبانيا حقت ماما وبابا بس..
عمر شاف بنته بحنان وقربها منه زياده وقال: مو ماما وبابا بس حتى ميو معنا..
مي وهي مكشره: لا يا سلام انا ابي بلد خاصه فينى وبزوجي بس الكل قام يضحك ...
قال سالم : والله البنت اختربت من عمتها رهـف.
رهـف: حرام عليك يـبه.......صدق عزيز ليه لندن يخيل لي مو حلوه لشهر عسل..
عبدالعزيز: لا بالعكس لندن مره حلوه خصوصا بهالوقت من السنه ..
وانا بروح لان عندى فيها شغل بعد ...
نورا: شغل بشهر العسل؟؟؟؟؟!!!!!!!!!
عبدالعزيز: مو شغل شغل يعنى عندي غرض ابي اسويه ..ولازم اروح هناك..
رهـف: اجل الله يعين سارا على الطياره خصوصا انها اول مره تسافر عبدالعزيز وهو مستغرب:
ليه ما عمرهم سافروا..؟؟؟
رهـف: لا ماراحوا الا الامارات عمي صالح ما يصلح يركب الطياره تقول ساره انه يكرها ركبها
بس مره وبعدها ما ركبها..حتى سارا من كلام ابوها صارت تخاف من الطيارات مع انى اقول لها
ان اونس شي بالسفر الطياره..
عبدالعزيز: اها المهم عن اذنكم ... وطلع من الصاله والكل بقى خصوصا انهم جاهزين
وما بقى شي على الروحه لبيت بو محمد ............................................
سارا طلبت من سوزي تحط لها مكياج ناعم وهادي لان محد بيجي الليله الا بـيت عمها سعد وعمتهاهيفاء وخالاتها وفاء وجيهان ووخوالها خالد وجمال وعبدالله ...وبيت سالم مع اخت سالم
عائشه واخو فوزيه عبدالرحمن ووخواتها الثلاثه جوهره وشيخه وشروق........
منيره وهي تشوف سارا: الله سارا تجنين طالعه مره نواعم ...من جد شكلك احلى بكثير من
الملكه ...اكيد اخوي بيتخبل عليك يا حظه بك .. وجات حضنت سارا ...
سارا حست انها خلاص بتصيح ..
قامت قالت سوزي...::لالالا منيره ما بصير هيك ...البنت خلاص بتبكي
منيره تركت سارا ودزتها: انت وجهك مع هالرومانسيه متى بتفك عنك ..
سارا ابتسمت :خخخخخخخخخخخخخخخخخخ منيره يالله روحي ولبسى وانا بخلي هالسوزي تلطع
لى أي حمره او أي شي سارا: انشالله ... وقبل ما تطلع تلتفت لمنيره وتقول: منور من جد انتى
ما تعرفين وين بسافر هالليله..
منيره : لا والله ليه؟
سارا: اخاف نروح مكان بعيده وانا ماعمرى ركبت طياره..
منيره:هههههههههه لا تسمعك رهـف والله انها تـتخبل على الطيارات لو بدها كان اشتغلت مضيفه ..
سارا: من جد اتكلم خايفه ...مو كافينى خوفي من اخوك عشان اخاف من طياره.
منيره: ليه اخوي وحش ههههههههههههههه.
سار ا: اروح البس اصرف لي... ودخلت سارا غرفة تبديل الملابس ولبست فستانها الي اشترته
جاهز ما امداها تفصل لها واحد.
دخلت مها الغرفه: وينها سارا
منيره : دخلت تبدل الحين بتطلع.
مها: وش خبارها الحين انشالله احسن. منيره وهي تبتسم : افا عليك تبـيـن منور عندها
ولا تصير بخير..
مها:ههههههههه والله اانك خبله ........ منور
منيره:هلا مها: لا تزعلين من كلام سارا على اخوك ترى ما تقصد..بس تدرين الضغوط الي
عليها الحين..
منيره : يوه مها من جدك تـتـكلميـن ..لا تحاتيـن اصلا سارا مو صديقتى بس سارا اعظم من
اختى ..والله انها مثل خواتى نورا ورهـف
مها: ادري والله حتى هي تعتبرك كذا وحنا بعد والله اننا نحب بس ياليت ما تقولين لاهلك على الي
سوته سارا..
منيره: مها سارا ما سوت شي ..والي سوته شي عادي ..والي تقوله لى سارا ما اقوله لرهـف
شلون تبينى اقوله لاهلي..
مها : والله انك بنت اجاويد ما تقصرين ... يالله ماراح تلبسين انتى..
منيره : انتظر سارا تطلع بالاول ..هي العروس مو انا ..
وتبتسم مها: الله يخليكم لبعض ..والله ان علاقتكم تذكرنى بعلاقه عمي صالح بابوك
منيره: اميييييييين
مها: هذا اصوات كان الجماعه وصلت يالله عن اذنك بروح اشوف فهودي وينه وبنزل للضيوف .
.وانتى أجلسى مع سارا والله الله فيها.
منيره: لا تحاتين هذي مرت اخوي مها: هههههههههه ما تعقلين وتطلع مها من الغرفه وبعدها
على طول تطلع سارا من غرفه الملابس
سارا : كانى سمعت صوت مها..
منيره: الله يغربل الشيطان ...طالعه تـقـتليـن ايش هالحلاه
سارا استحت :اقول روحي بس بس سارا من جد كانت حلوه وطالعه مره نواعم ....سارا ماهي طويله
ولا قصيره يعنى الطول العادي الي منتشر بين البنات بس جسمها مره حلوماهي عصله ولا متينه
يعنى قومها مره رشيق وفي الاماكن الي المفروض تكون فيها مليانه هي مليانه ..
كانت لابسه فستان سكري طويل وناعم يناسب المناسبه يعنى عشى مو زواج ورافعه شعرها
الكستنائي ونازله منه خصل على كتوفها ..شعرها اصلا يوصل لين كتوفها وهو مره ناعم ..
ومعلقه بشعرها ورود سكريه صغيره ..والميك ابد حقها مره هادي وناااااااااااعم ..
عيونها طالعه كبار وخشمها وفمها صغار بس بشكل متناسق..هي عيونها بني غامق مو سود...
والشدو الي حاطته مطلع عيونها افتح من العاده ..
منيره: والله طالعه تهبلين ...من جد خلينى اقرى عليك عن العين.
سارا: أي عين مافي غريب كلهم اهلك واهلي وكلهم شايفينى الف مره
منيره: يا يا غبيه من عين اخوي ..ترى عينه حاره..
سارا وهي منزله راسها: وهذي صفه شينه ثانيه فيه..
منيره وهي معصبه:اقول ترانى عطيتك وجهه بزياده والله انك سخيفه ..كنت امزح امزززززززززززززززززززح
سارا: طيب يمه لا تاكلينا
منيره: وين باقه الورود الي شريتها لك..
سارا: ماراح اخذها ..هذا مو زواج
منيره: الا بتاخذينها ترى حنا بنسوي لك زفه والا ناسيه
سارا: هذا هي هنا .. ويدق جوال منيره..
منيره: هذي الخبله رهـف اشوف ايش تبي...الوووو رهـف: هلا منور وينك ووين سارا وايش تسوون ومتى بتزلون منيره: بل بل ..شوي شوي علي
رهـف: لا جد وينكم ترى حنا تحت ابي اجي عندكم بس اخاف اشوف احد منيره: حلفى جيتوا كلكم؟
رهـف: ههههههه ايه كلنا
منيره : حلو تعالى وجيبي معك حصه ومي ..هاه لبستوهم مثل بعض نبيهم ينزلون قبل سارا
رهـف: ايه لبسناهم انا الي لبستهم لا تخافين كل شي تمام ..
منيره :خلاص اذا جينا بننزل بدق عليك رنه عشان ترقينهم
رهـف: لا وين انا ابي اجلس معكم الحين ..هنا كله عجايز.
نورا الي كانت جالسه جنب رهـف:عجوز بعينك
رهـف: هههههههههه بل كلتينى ..هاه منور بجيكم اوكي ....فوق مين في؟
منيره: ما اظن فيه احد . رهـف: اوكي باي انا جايه وتسكر التليفون وتقوم فوزيه : وين رايحه
يا رهـف
رهـف: يمه بروح عند العروس ومنور.
فوزيه: في احد فوق لا تروحين.
رهـف: لا يمه مافي احد انا تونى ساله منور.
فوزيه: طيب خذي عباتك احتياط.
رهـف: يمه قلت مافي احد صدقينى.
فوزيه : معليش احتياط .. شوفي سيقانك وزنودك طالعه ...البسي احسن.
رهـف: يممممممممممممممه مابي مافي وعبايتى في غرفه العبايات ..من وين اطلعها الحين .
فوزيه: اوف يالله روحي بس رهـف تحب راس امها: يالله تشاو يا احلى
ام فوزيه: والله ما ادري ايش تقولين يا بنيتى
ام محمد الي كانت قريبه منهم : والله هالعيال ما ينفهم عليهم هالايام يتكلمون كلام ما ينفهم رهـف
الي انحرجت ما توقعت ان ام محمد تكون قريبه وتسمع مناقرها مع امها طلعت على طول من
الصاله وراحت على فوق..
هدي: يا حليلها انحرجت..
ام محمد: بس هالبنت كل مالها وتحلو ..ماشالله عليها يا فوزيه بناتك يكبرون ويزينون..
فوزيه: وانتى بعد يا لطيفه شوفي بنتك ايش طلعت والا لو مو قمر ما اخذنها لولدنا
ام محمد : والله لنا حنا الشرف اننا نناسبكم .... نرجع لرهـف الي راحت فوق وهي تركض ..
خبله مثل دايم ..هي احيانا تجي مع منيره بيت صالح عشان كذا تعرف وين غرفه سارا...
وهي تركض بالدرج الا تصدم في شي طويل قدامها وتفقد توازنها بطيح ...وما حست الا بايدين ماسكها من خصرها وهي لاصقه بشي ابيض طويل............... ...
مين الي صدمت فيه رهـف؟؟ وايش بكون ردت فعل عبدالعزيز اذا شاف سارا بشكلها هذ؟؟