تباشير الصباح

مساء الخير

عدت اليكم بعد غياب طويل اتمنى تعجبكم القصيدة

كفى يا الوابل اللي من عيوني ، نُونهـا منصـاب = على طاري نهاري ، علّها ماتعـود مـن سيـرة

نخيتك يا الرّخا بالجدّ الأقصـى ، لا تقفّـل بـاب = تعب مركب سنيني ، ما رسى .. في موطن الخيرة

نهار الصيف ما قـدّر ضمانـا ، والليـال ركـاب = نبي نعسف صعَبها ، واسهَجَتنـا جهدهـا مغيـره

نطحت الليل واهوال الظـلام ، وطلعـة المرقـاب = دروبك يا زمانٍ ، منتصـر شـرّه علـى خيـره

توسّدت الهجاد بليلـةٍ فيهـا الكـرى مـا طـاب = تلمّست الكرى فـي ناظـري ، وابـدا معاذيـره

تروّضني همومٍ ناب حاضرها عـن اللـي غـاب = ألا يـا فزعـة الله كـن قلبـي للحـزن ديــره

تباشيـر الصبـاح اغتالهـا حلـمٍ ظهَـر كـذّاب = على روعة جمال الكـون ، هلّـي يـا تباشيـره

يظنّونه فرح وسرور ، كان انّه ضحك لـي نـاب = وانا سارق لها مـن عنـد قلبـي دون تاشيـره

ساه يموت ما غنّى حسود ، ويضحكون أحبـاب = على شانه وشانـك خـل همّـي سولـف بغيـره

وانا وإن ضاقت دروبي ، دعيت الخالق الوهّـاب = كريـم الوجـه ناجيتـه ، بسجـده بعـد تكبيـره