أسطــــووورهـ أسمهــــآإ [[[ طــــلآإل الرشيـــــد ]]] رحمه الله

~~ [[ آإخــر آإلــ ح ــب ]] ~~
كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعداجلس معي نحتريك

تعال شفني وانا استناك .. كم اشبهك
يطري علي ألف راي وراي واحتار فيك

اجي مكان الوعد والا اسبقه انطرك
والا اخذ الموعد اللي يحتريك واجيك

يااخر الحب ذقت الحب في اولك
ويااول الشوق اقصى الشوق ماينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وإن رمشت افقدك
واخاف افتح وتصبح حلم ولا التقيك



~~ [[ آإلــ ع ــوآإذل ]] ~~
حبيبتي كل العواذل تشابه ..... قلبٍ ظلام ووجه يشبه للأصحاب

ولا ما غدى لك صاحبٍ ينحكى به ..... لا تسمعي أن كان لك قلب وأحباب

إلى مشيت الدرب يلهث سرابه ..... وإلى سكنت الدار ناداني الباب

وشلون أنام وهم قلبي صوابه ..... والشوك ينبت بين جفنين وأهداب

تعبت امني .. الأسئلة بالاجابة ..... وانطر شروق الشمس والشمس بغياب

وتعبت أناظر والمعنى عذابه ..... أنك بعيده والملا دونك حجاب

اجمع كلام وما أعرف الإجابه ..... وعندي شعور صدق والوقت كذاب

كل النجوم اللي امطرت من سحابه ..... حبيبتي دمعك جرح قلب واتراب

واللي وقف ما بين بابي وبابه ..... قلبٍ ظلام .. ولابس ثوب الأصحاب



~~ [[ عيــون آإلــ ح ــب ]] ~~
عيون الحب لا يمكن تناظر ..... عيوب الخل لو هو عيب كله

تماري فيه وبوصفه تكابر ..... ترى من فوق خلق الله محله

رفيق الليل في الشباك ناظر ..... واثاري الليل شباك لخله

حفظ أحلى الكلام وصار شاعر ..... بصبر ينتظر .. والصبر مله

حبيبٍ عشت في دنياه عابر ..... حسب قوله ويا شعري فقله

أنا ضحيت له وارجى وصابر ..... واذا عيا أقول الله يحله

على اللي ينتظر يا بعد باكر ..... يبي السلوان والذكرى تضله

عيون الحب في قلبي تناظر ..... تشوف اللي عيوني ما تدله



~~ [[ بــ ع ــض أحــوآإل ]] ~~
أنا مقدر أكون .. اني حبيب في بعض أحوال
أنا كلي أجي .. والا أروح بعزتي .. كلي
تخيرت الفراق وما دريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منـــك دمع في عيوني مارضى ذلي
رحلت انت وتركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الـندم موّال
سكت ومت بالحسره ولا ادري وشهو احسن لي
أحبــــك كل ما فيني يحبك يا خلي الــبــــال
تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس واهلّي



~~ [[ أمــوت من فرقــآإكـ ]] ~~
أموت من فرقاك وأموت بلقاك *** وأموت من جورك وأموت بحنانك

كلٍ قضاه يمــوت مرّه .. و يفداك *** و أنا أموت ألفين مرّه عـشــانك

أذكرك .. لا مني نسيت إني نسيتك *** أنـسـاك .. لامني ذكرت نسيانك

رضيت أنا بالهم لرضاك مرضاك *** و ارخصت لك قلبٍ جرحته وصانك

أجيك في صدري عتاب .. وابجفاك *** وأرجع ألوم الوقت و أقول خانك

أحب فيك ..احساسي إني بلا ماك *** في عز خوفي منك أحس بأمانك

عجزت أفرق بين وصلك وفرقاك *** ياللي عطيت الناس بيدك عنانك

مر تجيني لين أقول إني إيـاك *** و مر تروح بعيد و انسى أوانك

أقبل و تقفي واعتذر عن خطاياك *** و أقول ما عييت .. عيا زمانك

وإن خانتك دنياك أو خنت دنياك *** إرجع و تلقابي .. مكانك،مكانك



~~ [[ اليــوم ذكــرى الـفـرـرـرآإق ]] ~~
اليوم ذكرى الفراق ومرت أول سنه ... اليوم لي عام متغرب وحيد وحزين

اليوم انا ضيف جرحي جيت بطمنه ... اني جمعت الدموع وجبت امانة امين

ما يجرح الصادق الا غدر من يامنه ... لا جت من احباب قلبك لا تلوم السنين

مليت من هالاماني دام هي مو ممكنه ... لاهي تحقق وانا ياسي بوجهي يبين

الوين انا وانت مثل الشمس والازمنه ... مع كل صبح يجددني لشمسك حنين

لا قلت احــبك .. احبـــك كنها دندنه ... او كنها وردةٍ مابين اصابع جنـيــــن

يا اجمل الـناس لك بين الملا هيمنه ... كثير غيرك ولكن مين مثلك وويـــــن

ياعــاذلي خذ عيوني يمكـــن تثمنه ... تشوف عيبه وانا اشوفه ملاك حسين

امس افترقنا وانا احسب مرت اول سنه ... يا طولها ليلة الفرقا سنة للهزيم

*_*_*_*_*_*_*_*_*_*_*_*

اللهم إغفر له وإرحمه .. اللهم وسع مدخله ..

اللهم نقه من الذنوب والخطايا كما ينقى الثوب الأبيض من الدنس ..

اللهم أدخله جنات النعيم .. اللهم أدخله جناتك يارب العالمين