تعال لو سمحت شارك يا شاعر ويا شاعره ؟

جرااح · 21-Jan-2008, 11:19 PM

فديت خشتك يا غلا جراح

الله يقويك ويسلم عمرك يا اروع نبع

وشاكرلك يا شا عرتنا العنووووده

ولنغير

فكرت ألعب يوم زان اللعب يا ربعي طــــرب :: وبسأل الشعار واللي ما رسو كل القصيـــد

لا صار خلك مثل بحرن مالحٍ ما ينشــــــــرب :: أتعومبه وإلا تقول العوم هذا ما يفيــــــــــــــــد

oo(( نبع الحنان ))oo · 27-Jan-2008, 08:28 AM

أنت عـايم به وغـيـرك باعـمـاقـه إنـجـذب @ ياحسرت اللي لاهو عام ولا شرب منه أكيد
عش حياتك وانطرب مدام جايز لك طرب @ وخل بحـور العـشق وامـواجه لانسانٍ عـنيد

تحياتي
نبع

نجمة تعلو الثريا · 27-Jan-2008, 05:53 PM

صح لسااانكم

لا تعوم ياصاحبي لاصار العوم به انواع التعب :: خوفي تآخذك ذيك الاموآآج وترميك لبعيد
خوفي تصبح غريق ولا طلبت محد جاب الطلب :: أسمع نصيحة مجرب وخلك من كلامن مايفيد
لاصار خلك من الي مالحن طعمه وماينشرب :: اتركه ويجيك منهو يجعل من ايامك كلها عيد

سوري كتبتها مستعجله

oo(( نبع الحنان ))oo · 27-Jan-2008, 07:09 PM

صحت الالسنه
والله لايهينكم
ـ ـ ـ ـ ـ ـ ـ

جرااح · 29-Jan-2008, 11:35 AM

اقتباس

المشاركة الأصلية كتبت بواسطة oo(( نبع الحنان ))oo


	أنت عـايم به وغـيـرك باعـمـاقـه إنـجـذب @ ياحسرت اللي لاهو عام ولا شرب منه أكيد عش حياتك وانطرب مدام جايز لك طرب @ وخل بحـور العـشق وامـواجه لانسانٍ عـنيد تحياتي نبع

ان كان نبعك يا غلا جراح مبطي ما شــرب ... الله يعينك والمحبه دايمن فيها عنديــــد

وانا تراني عمت وبا عوم لو انه خــــــــــرب ... لينه يقول اهناك يا جراح رح عني بعيــد

جرااح · 29-Jan-2008, 11:49 AM

اقتباس

المشاركة الأصلية كتبت بواسطة نجمة تعلو الثريا


	صح لسااانكم لا تعوم ياصاحبي لاصار العوم به انواع التعب :: خوفي تآخذك ذيك الاموآآج وترميك لبعيد خوفي تصبح غريق ولا طلبت محد جاب الطلب :: أسمع نصيحة مجرب وخلك من كلامن مايفيد لاصار خلك من الي مالحن طعمه وماينشرب :: اتركه ويجيك منهو يجعل من ايامك كلها عيد سوري كتبتها مستعجله

كفيتي ووفيتي

امر تدلل يا نجم وانا تحت كل الطلـــــب :: وانا عيوني تستمع للقول وقليبي عنيـــــــد

والقلب يا نجمه ترى والله ماضني يلــب :: وانتي كلامك كالدرر والناس منك تستفيـد

بقولك ان الفؤد العوج وقليبي يحــــــــب :: وبا قوللك ما كل عيد أبطلته مثل اي عيـــد

oo(( نبع الحنان ))oo · 29-Jan-2008, 07:02 PM

مـاراح يـقــول يـاجــرااح رح عــنـي ولـكــن إقــتـرب

يجـوز يصـد ويقـول القلب وقـول القلب هـو السديـد

وابشر بنبع يفيض من عندي لأمثالك ومنهو عالدرب

يروي منه كل الخير ياوجه الخير عسى عمرك مديد

حلا الورد · 02-Feb-2008, 06:10 PM

البارحه من بادي الليل جفت دموع الحزن ومالت غصون الأوجاع
حال القدر يشكى للي كتب مقادير الصحف في دورت الأيام
ماكنت أصدق في يوم أن يكون الصمت أخر كلامآ ينطق بالوداع
نويت أشرب من سراب الوقت وأروي خيال الشوق من طعم الهيام
مانسيت اللي هز الجبال الراسيه من زفير الونين الا له القلب يرتاع
يعطي الفرحه على أمل ذاك الدرب الطويل ونهاية مانرجي ختام

العنوووووود · 03-Feb-2008, 03:13 AM

صــح بوحكم ..

متابعه عن بـُعـــــد

oo(( نبع الحنان ))oo · 03-Feb-2008, 12:49 PM

أبياتك ياحلاالورد والله حركت قريحتي الشعرية ولامست أشجاني
وانطلقت معي الابيات .. وراح انزلها بموضوع مستقل ..
أسجل أعجابي بأحاسيسك ورومنسيتك العذبة

تقبلي مروري
نـــــبـــــع

تعال لو سمحت شارك يا شاعر ويا شاعره ؟

قصائد بأقلام شعرا وشاعرات هوى روحي