والبلا راهن . . ويدري خاسر العشق ورهانه .!

يعني من قل المصايب صاب هذا الصدر ضيق
وإلا يعني من حلاة الحظ وعلو المكانه

ذي حياتي من مضيق في مضيق في مضيق
ولو بحثت الصبر فيني ما أجد للصبر خانه

عادتي لا ضقت أدور حضن وعيون الرفيق
مشكله لا صار ضيقي منه واحزاني عشانه

يوم قال : أسمح لي بارجع وأنت كمل هالطريق
لازم تقدر . . وتنسى . . ننتهي كلن وشانه

قلت صبرك {يرحم الله والدينك} ما أطيق
ماني ناقص فوق جرح أقدارنا جرح الخيانه

حاجتي لك حاجة الأيتام . . . وايدين الغريق
طالبك طلبة تراني أعشقك . . صون الأمانه

وراح ما كنه سمعني وألتفت لفتة طليق
وقال أخيرا ما بغينا وللفراق أطلق عنانه

عندها أدركت فعلا قيمة . . . الحب العتيق
وقلت : هذي آخرتها . . ما تجاوزت إمتحانه

ضيق صدر .. وجرح قلب ودمع عين ونشف ريق
هذا كل اللي جنيت وما قدرت أجني حنانه

أستر لنفسي أعيش بضنك وأحزان وحريق
ولا أموت من القهر وتكون موتتنا جبانه

طالما بيني وبين الموت . . ما حاجه تعيق
غير خوفي من غضب ربي . . وأنا مسلم ديانه

لا نويت أمسح جميع أوراقي الأولى أفيق
وانصدم في واقعي المزري . . وفي قسوة زمانه

مدري كن الحزن فيني شاف له نعم الصديق
مدري يمكن كنت فعلا كفو للحزن وتكانه

آه يا حزني ترفق . . صاحبك جرحه عميق
أشهد إنك يا رفيق العمر طيحت الميانه

مثلي . . مثل اللي يراهن خلق ربي في عشيق
والبلا راهن . . ويدري خاسر العشق ورهانه

ويعني من قل الخساير صاب ذاك القلب ضيق
يكفي لا هالوقت وقته ولا مكانه هو مكانه





(م)


.........................................

تحيااااااتي للجميع

يعطيك العافيه

والله يسلم عمرك ونقلك


وتحياااااااااااااااتي لك ودمت بود