حلويات السينابون

المقادير:

4كأسات طحين
4م ك حليب بودرة
3م ك سكر
2م ك خميرة
هيل مع شوي قرفة
1/2 كأس زيت
2كأس ماء دافي ملح
الحشو:
سكر بودة
زبدة
قرفة
للوجه :
حليب مركز
شوكولاته هيرشي
جوز

الطريقة :

:نعجن مقادير العجينة مع بعض وتترك للتخمر
نقسم العجينة 3 أقسام ونفرد كل قسم مثل البيتز بس سميك شوي وتدهن بالزبدة ورش بالسكر وكثري حتى تكون كلها بيضاء من السكر ورشي القرفة عليها حتى تكون كلها بنيه ورش عليها شوي شكر طبعا أستخدمي المشخال أحسن ولفيها مثل السويسرول وخليها شوي تخمر أدهني صينيه زجاج بالزبده الذائبة بحرارة الغرفة
وجبيبي العجينة وقطعيها بالخيط يكون مقاسها حوالي 4سم ورصيها متباعده بالصينية
وأدهني الوجة بالحليب ودخليها فرن حار بس تشقر شي بسيط من تحت طفي عليها
يعني مثل الخبز الصامولي فاتح عشان تصير طريه وشقري من فوق
وعلى طول اسقيها بالحليب وكثري عشان هي تتشرب الحليب واسقيها بالشوكولاته وزينيها بالجوز وغطيها فترة وقدميها وبتكون متشربه الحليب والشوكولاته
ترى أنا صبيت زيادة حليب بعد ماتشربت عشان كذا بالصورة سائل
ملاحظة :

ترى العجينة تكون لينه وتلزق باليد لا تزيدي دقيق حطي زيت واعجني حتى تتفكك من أيدك واتركيها تتخمر
وعند الفرد رشي دقيق على الطاوله وفوق العجين شوي عشان ماتلزق
وبالعافية

منقول

قمرمنور