السمك بالجبن والقشطة

المقادير:
بصل +ملعقتين زيت
كرنب ابيض
كرنب بنفسجي
جزر مبشور
ذرة
فلفل رومي ملون_اخضر_احمر_اصفر او برتقالي
سمك فيليه شرائح
بهارات مشكله اللي تفضلينه+ماجي+فلفل اسود+ملح+
بقسماط
الخلطه:
ملعقتين جبن كريم+ملعقتين قشطه

الطريقه:
قطعي البصل والخضروات
بعدين حطي البصل والزيت على النار وخليه لين يذبل
جيبي السمك وقطعيه مكعبات متوسطه الحجم بهالشكل وحطيه على البصل وقلبيه شوي
حطي الماجي والبهارات والملح والفلفل الاسود
ثم اضيفي الكرنب الملون وقلبي
وبعدها الفلفل الملون
اضيفي الجزر المبشور واتركي الخضار لين تذبل شوي لانك اذا طولتي بالطبخ بيتاثر السمك ويتفتت معك
اضيفي الذرة بعد ماتطفين النار لانها ماتحتاج طبخ

بعد ماينضج الخضار والسمك
حطيه بصينية بايركس
اخلطي الجبن والقشطه بيدك او بالخلاط واضيفي شوي ماء خليه شبه سائل
بعدين ضيفي االخلطه فوق السمك والخضار مع مراعاة ان كميه الخلطة
متوسطه يعني موضروري تغطي الخضار والسمك
ورشي بقسماط فوق الخلطه ودخليه الفرن من فوق لين يتحمر
وقدميها مع الخبز
وهذا الشكل النهائى
وبالهناء والعافية