ابحث عن اسمكـ في صندوق الهدايا ..!!

اهدا خاص(؟؟؟؟؟؟؟؟؟؟؟)


البارحـة بيـن التوجـد والملامـة والحنيـن
وقفت لحظة صمت بين الهم وصدوف الزمـان

فتحت بيبان النـدم علـى ملفـات السنيـن
واقفلت بيبان الامل واطلقت للفكـر العنـان

اخذت لي لحظات مدري وين انا والناس ويـن
وانا على بالي انا والنـاس فـي نفـس المكـان

لقيت نفسي في دروب الحلم والشوق الدفيـن
تاية تحت حكم السهر ولهان ليـن النـور بـان

رسمت حلمي مثل طفل فـي عيونـه عبرتيـن
الاولـه يتـم وقهـر والثانيـة فاقـد حنـان

وقف على الآمال يهتـف يامعيـن الصابريـن
يا صمت بدلت الأمل بالياس والدنيـا آمـان

ينزف ألـم ويطفـي بدمعـة عيونـه جمرتيـن
ويرسم من الاحلام عرش يزخرفه لولـو ودان

تكسرت احلام قلبـه فـي يديـن العاشقيـن
ماله أمل ياكود نظرة حلم من خدر العيـان.!؟

خدر العيان وويش هي خدر العيان ام الجبيـن
لالا عيون الكون كله في ليال الشمعـدان.!؟

كل الكواكب مادرت عن صدمت الطفل الحزين
تدرين ولا مـا دريتـي يـا زفـرات الجنـان

تدرين هذا الطفل منهو يـا زهـور الياسميـن
تدرين هذا الطفل منهو يـا زهـور القحويـان

تدرين هذا الطفل منهو يـا عيـون الحاضريـن
تدرين هذا الطفل منهو يـا دقايـق يـا ثـوان

تدرين منهو يالنوايـا الحايـره هـل تعلميـن
ان الله اللي خالق كونه بأمـره كـن فكـان

تدرين ولا مادريتي عـن يسـارك عـن يميـن
يادانة المشرق وش اللي في بحر سحـر البيـان

تدرين عن شوك المواجع يا سخيفـات اليديـن
تدرين عن قفر الصحاري يا سحاب الصيف وان

تدرين عن طعن المروّه يـا قلـوب المرهفيـن
ولا عن دموع الشفق لا سمعت صهيل الحصـان

مدري دواليب الدهـر دارت بكلتـا الحالتيـن
ولا البشر قامت تسوي مثل حـرب الفاتكـان

تعاظمت روح الطفل في غربتـه شمـوخ بيـن
صمت المشاعر والشجون وكلٍ ماحوله هـوان

نادى على ظلم الحقيقه بيـن صمتـه واليقيـن
يصرخ لروحه في يدين ضايعـه والعمـر فـان

يا مملكة روحي تعالي واحضنينـي حـب ليـن
تكسر ضلوعي ووقّيها عـن ظـروف الزمـان

وارمي علي حمول قلبـك بيّنـا سلـمٍ وديـن
والله ماخونك دامني عالي مـا عايـن للطمـان

لا تنظرين لمـا مضـى يالحايـره لا تنظريـن
الى متى وانتى علـى هـذا الطغـى والغفيـان

في ليلة فيها اتعـوذ مـن عيـون الحاسديـن
يافتنة العالم تعالـي شـوق واجيلـك جنـان