كلمة من عندى وبيت من عندك

الصمت يكفي ويشفي صدر راعيه
لا صار كل الحكي ماله معاني

والقلب ما عاد تعنيه المشاريه
والعين ما عاد تغريها الأماني

والخاطر العمس من يقدر يسليه
الناس ولا الشعر ولا الأغاني

يا كاتب الحزن فى قلبي وقاريه
فى نظرتي.. فى انفعالي ..فى حناني

ياليت حزني مجرد دمع وابكيه
ماهوب عايش معي بين المحاني

ماهوب يظهر عليّ وأحاول اخفيه
وتصير نظرات حزني هي لساني

لو للسحايب سجن يا عبرة التيه
والله ما أحب بخفاقي ثواني

مدري ذكرني زمانٍ كنت ناسيه
مدري ذكرت الزمان اللي نساني

كنت اكره البحر واخاف الغرق فيه
واليوم أحبه..واخاف من المواني

كنت اعشق الجاي باحلامه وأمانيه
ما بنيت بخيالي له مباني

يا ما رجيت العطا من مدّة ايديه
حتى خذا كل شيء ولا عطاني

وموضوعك جدا رائع يالعنود
والكلمه اللي راح اختارها ؟
(الحلم )

غريبه كل حلم يمر برقادي تزورينه
والاغرب كيف احلم الحلم وارجع واحلمه بعدين

قبل يومين شفتك بالمنام وقمت من حينه
ونمت امس ورجع نفس المنام اللي قبل يومين



آلع ــيون