من قدك المايك بيدك

في البدايه الصوت واضح الوووووووووووو ههههههههه

احم احم اشكر عنود الصيد على هالبادره الطيبه والموضوع الاكثر من رائع وانا سعيد اني اكون اول ضيف لموضوع من مشرفه لها وزنها ولها تقديرها في هذا المنتدى الشامخ ولا هي غريبه عليها فعنود لا تخفى على الجميع ولا يكفيها صفحه من صفخات المنتدى للابداء بارائنا بها .
انا اول واحد يحتكم للمايك واجد صعوبه فيما اقول لاني لو تكلمت لن اسكت لذلك ابي اختصر كلامي عشان ما اثقل عليكم .

ودي اتكلم عن المنتدى وعن ايامي الحلوه اللي عشتها فيه من بداياتي الى الوقت الحالي انا في البدايه ماكنت احب المنتديات ولا عمري فكرت اني في يوم بكون من رواد المنتديات وبنصيحه من اخي ( هوى روحي ) بان اقوم بتجربت المنتدى كان منتدى هوى روحي هو اول منتدى اضع لقبي فيه ومن اول موضوع طرحته في هذا المنتدى وجدت التجاوب والتشجيع من الاعضاء ومن المشرفين فاحببت المنتدى وكان دافع لي بدلا من ان تضيع قصائدي بين قصاصات الورق وفي درج مكتبي وبين قله من زملائي محدودين وضعتها في هذا الصرح الشامخ وانا فخورا بما قدمته وما قدمه لي هذا المنتدى واعضاءه ومشرفيه وادارته من دعم وبدا خط سيري في التصاعد من عضو الا مشرف الى مراقب الى شاعر المنتدى .

بداياتي كانت مع اخ وزميل وشاعر ولا يقل عني تميز وبوح وشاعريه وهو مشرفنا القدير ( جراح ) كانت بيني وبينه مناوشات شعريه ومساجلات اطربتني كثيرا واطربت كل رواد هذا المنتدى ولا اقلل من شاعريت شعرائنا الباقين فلهم ايضا بصمه في رقي هذا المنتدى وهم ( بقايا ليل ) ولا يخفاكم هذا الشاعر الحساس وهو شاعر الاحساس ومشرف ايضاً بالمنتدى وكذلك شاعرنا القدير ( نبع الحنان ) مدري اقول شاعر او رسام او مصمم او مبدع وهناك من الشعراء من ساهم بالمنتدى وانقطع لظروف خاصه به ومن الشاعرات لا انسى (نجمه تعلو الثريا) التي في وقت وجيز اثبتت شاعريتها ومقدرتها الشعريه .

ناتي الان لباقي الاعضاء اخاف اذكر احد وانسى احد كل اعضاء هوى روحي اللي كانو سابقا واللي الان موجودين على العين والراس ودي اكتب مجلد مو قصيده فيهم لكن مشرفتنا القديره عنود فاجئتني بالموضوع ولا يوجد الوقت الكافي لطرح قصيده وتستاهلون والله الكثير .

الكلام سوف ياتي تباعا اترك المجال لكم في اي سؤال او اي استفسار اللي ما بينته لكم سابقا راح يبين في اسئلتكم وانشاء الله تقضون يومين معي ولا اكون ثقيل عليكم والله يقدرني وارضي الجميع وبانتظار اسئلتكم وتحياتي لكم ودمتم جميعاً