حبيبي لنتثر على دمعك من عيونك وزار شفاكـ
وصار الذوق بلسانك تحسه ملح علمني
لان الدمع من عينك يسولف لي عن اللي جاك
ويشرح ما عجز عنه لسانك به يصارحني
واذا كان القدر رافض يجمّعنا انا وياك
واذا بيومك صمت شوي بها الوقت تذكرني
ولا تبكي تبّسم لي بما اني على ذكراكـ
لأني مرحله حلوه بعمرك كيف تبكيني
حبيبي والله ان كلي يبيّن به اثر ممشاك
خطاوي قلبك الطيب اثرها مرتسم فيني
ولا تحسب فراق اجسادنا معناه انا بنساك
لانك عشقي الاول محال انساك صدقني
ظلام الليل والنجمه مع النسمه مع الشباك
اذا الليل انتصف جتني تناديني انا ويني
وتسألني حبيبك وين علامه ليش ماقد جاك
واجاوبها خلاص انسي محال اظنه يجيني
وقام الليل يبكي نور ظلامه مااحتمل فرقاك
والنجمه ورى الغيمه تقول ارجوك غطيني
والنسمه غدت عج وغبار وكلها ترثاك
وشباكي من الضيقه تكسر جرح ايديني
حبيبي شفت حبي لك ترك غيري بعد يهواك
وشفت اللي بهم قد صار تراه مساير سنيني
واذا ودك تشوف اشلون اهو كوني وانا بلياك
تخيلها بدون رموش بدون جفون انا عيني
قصيدة حب وفراق
رد: قصيدة حب وفراق
العرض العادي
