رقمن تحفظه ولا يحتاج تخزينه .. ورقمن لو انه مخزن راح من بالك

يايمه لو تخبـِّين العنا..هذا البخت مكشوف
وانا من قبل لا أولد..عرفت الي تخبينه
وانا اذكر يوم قلتي لي طريقك بالشقا محفوف
ولكني نسيت اني (وانا اضحك) قلت : ماشينه
ولو يمه تعذبت و صِفقـْني هالزمان ْ كفوف
انا ادري توّني ما ذقـْت ربع اللي تذوقينه
طبيعي من مرارة حاضري..مستقبلي معروف
ولكنه يصير احلى حلى دامك تعيشينه

▪□▪





ومن راح مني قلت ياعله مصيب
دورت له عذر كريم وعذرته
للي يبي بعدي انا ماني قريب
هوماربحني والا انا ماخسرته
قلبي خويي ما لقلبي معازيب
اللى حقرني من رداه احتقرته
رغم الجروح اللى بقلبي معاطيب
حبيت كفين الزمان وشكرته

▪□▪




ليه أحبك وأدري إني في بحر غدرك غريق
وليه أتصفّح حياتك؟ دام عذّبني الغلاف
إن عشقتك صدقني كني عاشق لـي حريق
الحَطب عمري..ونارك بس تاكل ما تخاف

▪□▪




بجلس معك ساعه حبايب وعشاق
من بعدها كيفك ولو صـرت ضدي
ودي ألمك واحضنك حضنت عناق
ياشـيب عيني كل ماقلت ودي
في خاطري..وش خاطري؟ خاطري ضاق
الكون كله ضاق ماهو بقدي

▪□▪




أموت مره واحترق ألف مره
واسكت وأجامل وأتحاشى المواضيع
على حبيبٍ في ضميري مقره
شيد بقلبي له قصور و مشاريع
لو كان بسبابه لقيت المضرة
حلفت أنا مشري بداله و لا ابيع
راضي وقانع به بخيره وشره
ومنهو نصحني عنه ماسمع ولا اطيع

▪□▪




صـوت يا حطاب صوت يا حطاب
كان الدفا فاسك، إحـطب شراييني
صوت يا حـطاب، شقا الهوى غلاب
البرد يرجفني، والنوم ناسـيني
صوت يا حـطاب، أنا غريب أحباب
بين المسا والبرد، ضاعت عناويني
إحطب ولا تجزع، لو صاحت الأعصاب
إحطب ولا تجزع ..فاسك يدفيني

▪□▪




صدفه غريبه والحقيقه ماعلى الدنيا غريب
يازينها صدفه بلا سابق وعد يازينها
الله صرفها لي مثل صرف العلاج من الطبيب
اثر الجروح اطيب لامن عولجت في حينها
لا طاب جرحي منه من غيره لعله مايطيب
يطعن وطعناته على شان الغلا راضينها

▪□▪




وشله تزعلني.. علشان اخليك؟!
قل خلني.. ولاتسوي حركات!
معجب وابيك برغبتك.. غصب مابيك!
ولاني متوقف عليك انت بالذات
امسيت متحريك ..واصبحت ناسيك
هذا مزاجي وانت راعي مزاجات

▪□▪




انتـه وينـك لا بكيـتك دم والصـرخه بليـه ..
انتـه وينـك لا مشيـتك هم في ليـل اغتـراب ..
انتـه وينك لا احتفـلتك عـرس وثـيابي بليـه ..
انتـه وينك لا نشـدت الخرس عن عـوق المصاب ؟؟؟؟

▪□▪




جيت البحر قام البحر يحتفي بي
والموج يتراقص طرب يوم جيته
جيت اشتكي له هالزمان ونصيبي
فوق الهموم جروح قلبٍ مميته
قال السبب..! قلت السبب زود طيبي
قال الثمن..! قلت اش بقا ماعطيته
قال الجزاء..!قلت الجزاْ مادريبي
قال الوفاء..!قلت الوفاء راح صيته
قال النتيجه..!قلت شخص غريبي
قال الوطن..!قلت الوطن مالقيته

▪□▪





من تردد ساعة العازه بطا
مايلاقي حزة الشده سنيد
دايم الدنيا ترى أخذ وعطا
من يفيد اليوم باكر يستفيد
الرفيق الصح سترك والغطا
ودرعك وسيفك على الخصم الضديد
لو على جمر الغضا لأجلك وطا
زعلتك حزنه وفرحك يوم عيد

▪□▪




الجو جو ان كان بعض العرب جو
وان كان ما جو ما زان جوي
الأرض خضراء والسماء كلها نو
والعشب في وسط الفياض متوري
يا ما حلى عقب المطر شبة الضو
وفنجال كيف مع رفيق مهوي

▪□▪




صدقوني مابقى للحب قيمه
الجفاشال الوفاواصبح مكانه
والصراحه صايره كلمه قديمه
والهوى اصبح خيانه في خيانه
والمحبه كنها طفله يتيمه
مات ابوهاوهي انحرمت من حنانه
صدقوني قصتي قصه اليمه
والهوى ماعاد يغريني كيانه

▪□▪




أحبك ياسحاب بعده أعشب قلبي الممطور
تراه بحبك استبشر عسى ماينقطع حبك
أحبك كلمة ماقالها إلا واحد مخطور
بغى كل الكلام ولالقى إلا كلمة أحبك

▪□▪




تبغى الحقيقه كرهت الحب واجهاده
من شمس هجرك ماعاد يفيدني ظلي
وشفيه قلبك يزيد في ليني عناده
وهومن اول الا من جيته يهلي
ويحطلي في حنايا القلب سجاده
ويشاغب نجوم اهل الليل ويملي
ويفتح لي ابواب حصنه وادخل بلاده
ياكبر جرحي من الهجران ياغلي
ماعاد جاني من الاحباب نشاده

▪□▪




أنا لامن نويت أرحل..أشد برحلتي يمك
ولا من نويت أبعد..رجعت بلهفة لعيونك..
ولا من حلت الفرقا.. أفـكر كيف أنا بدونك
أضم عيوني بطيفك...وأفتحــها وأنا أضمك..

▪□▪




ليته درى صبحية العيد وش صار
ياهي جرت لي من عذابي هوايل
يوم العذارى بيحن بعض الاسرار
وجت السوالف بين قيل وقايل
هذي معايدها قبل وقت الاسحار
وهذيك صاحبها عطاها رسايل

▪□▪




يغيب ويدري ان المعاليق فقدوه
ويرجع بصوتن جعلني ما ناعته
فلا بث رقمه شاشة الجوال اتوه
واقول ياربي تبارك ساعته
جوالي اليا منه دق وقال ألوه
تذوب اذانيي على سماعته
لبيه يا كلماته ولا فض فوه
اموت في ضحكته واستمتاعته

▪□▪




العذر ماينفع مع كل الاخطاء
دام الخطايا جات مني وفيني
ياليتها كانت على غلطة املاء
ماكان حارت دمعتي وسط عيني
الصاحب اللي وقف بصف الاعداء
اللي نسى ماكان بينه وبيني
اصبحت انا عنده تيمم وهو ماء
اذا حضر واحدهم ابطل حنيني

▪□▪




للقائمة روح وأبحث لين تلقاني
وأضغط على الزر الأخضر ثمّ كلمني
أريد صوتك مهو لأجلي ومنشاني
لأجل الغلا اللي من أغلا النوم حارمني

▪□▪




الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!
اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت
مدام يعني في بحرك لفرحتي مليون جال
وش فيه موجك ما ركد؟ قربت اموت وما رسيت
يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت!

▪□▪




أفهمك لو ما تكلمت أفهمك
ما بقلبك في عيونك يرتسم
ما تزيل الشك ضحكة مبسمك
يفضحك وجدان أشجان وندم
ألمح بعينك شكوك تألمك
لا تصدقها ترا هذا وهـم
انت في قلبي ألا ما أعظمك
أنت في عقلي وروحي والنسم

▪□▪




ماعاد باقي للسهر غير عتمه
ماعاد باقي لليالي قناديل
مريت طيفك والتناهيد نجمه
طاحت وانا واقف وعكازي الليل
أتنفسك ويضيق صدري بكلمه
لوقلتها خايف تفوق المناديل

▪□▪




اضحـك واداري عباد الله واجاملهـا
والله علـى نعمـة الكتمـان قـاردني
دورت بالخلق ؟ ضايعهـا وعاقلهـا
ولا لقيت اللي لامـن تهـت يرشدنـي
حتى اللي ! بديته مـن الناس بأكملهـا
راح وغدربي ؟ ولاكـنه معاهـدنـي
مافيه احـد يحفـظ العشـره ويبجلها؟
هـذي الحقيقـه..وشكـي مايراودنـي

▪□▪




بس الخفوق اللي تبيه؟الله ياصغـر الطلب
ياصاحبي لاتستحي من شي ودك تكسبه
لبيه ياعمري فدتك أهل الملامة والعتب
لبيه كثر اللي عشانك كنت أضيفه واشطبه
يامن لعبت بحسبة اللي محدن به قد لعب
قل وش بقى بك مايفر العقل فر ويسلبه

▪□▪




إرفعي سهم المنايا يالعيون
مابقى فيني مكانٍ للطعون
كل شبرٍ فـي حياتـي إنجرح
و الذي شقّوا خفوقي يشتكون
يا العيون الطاغيه خفّي علي
كبرت اللّي باوّل ايامـي تهـون
في عيونـي دمعتين واقفه
ردّت الايـام دمعي بالجفون

▪□▪




ابكي ! احب ! اشتاق ! طيب وبعدين؟
بكره مع الايام بفقد عشيري
من طيبتي..بين البشر صرت مسكين
الطيب ضـاع ..وكثر الله خـيري
اجرح..وانا بقول لجروحك اهلين
يا اغلى مسايير ٍ لقوا فـي ضميري
اسمع وصاتي قبـل لاتدمع العين
لا اعلنت عـن دنيا المحبه مسيري
اذا تفارقنا..ابي منك شيين
مابيك تكرهني..ولاتحـب غيري

▪□▪




أصــبرحبيبي قبل ماترحل : تعاااال!
أبيك توعـــدني " تجيــني تجيـــني "
حتى إذا ظرفك عن الجيّات حال ..
" أكسر ظروفك ياغلا لجل عيني "
وابنتظرك أنا على كـل الأحوال ..
وابحتضن وردة غلانــا بيديني ..

▪□▪




حييت في قلبي هلا بك ونوّرت ..
مرسولك أسعدني ونور حياتي ..
ياصاحبي مايوفي الحرف لو قلت ..
"معزتك" مضمونها في ثبــاتي ..
بس الأهم إني لمرسولك .. اشتقت ..
كنت انتــظر متى عـلى الله يــاتي ..

▪□▪




وين أنت يارقمن له أيام مادق
وأنا من أول بالدقايق أدقه
حالي تدهور من صدودك ومندق
ياوالله إلي صاحبك ضاع حقه
كانك تقول من المراير تذوق
فما فيه كاسن مر إلا وذقته
إنكاني المخطي فتبشر بالحق
وإن كانك أنت المخطي فحقي سمحته

▪□▪




رقمن تحفظه ولا يحتاج تخزينه
ورقمن لو انه مخزن راح من بالك
ورقمن اليا دق في شاشتك يازينه
ماهو مميز ولكن غصب يحلالك
من حب راعيه نفرح به ومغلينه
وغصبن تبسم لو انك باتعس احوالك

▪□▪




فقير حظ وراس مالي ثيابي
وأبسط طموحاتي تهز أعمدتهم

فاتح لهم قلبي وطيبي وبابي
وعيونهم قبل الحكي فاضحتهم

قالوا وقالوا واشبعوا بأغتيابي
هذي نواياهم وذيك ألسنتهم

حتى وأنا اتألم وأموت فعذابي
دمعات عيني بالحزن فرحتهم







وبس ان شاء الله تعجبكم ..

يعطيك العافيه

ريم الخبر


كوووووووووووووووووووووووووووولهم جوووووووناااااااااااااااااااااان

مااااااااااااااره حلوات