الـوداع

قلت:الـوداع وجاوبـت دمعـة العـيـن
تجـرح بساتـيـن الـخـدود النـديـه

وغضت وشفت"بعينها" الحـزن حزنيـن
وصاحت على الفرقـا أنـا مـو قويـه

وجاوبتها أرجوووك تكفيـن.. تكفيـن !!
والله دمـعـك يشـعـل الـنـار فـيـه

وقالـت تعاهدنـي عـهـاد المحبـيـن
الله يخـوون اللـي يخـووون خـويـه

قلـت أبشـري واللـي خلـق لاتظنيـن
حـرام مـا غيـرك عشقـت أدآمـيـه

وقصت شعرها !! قلت أنا وش تسووين؟!
قالـت أبـي مـن غرتـي لـك هديـه

ونادتنـي الغربـه علـى الهـم والبيـن
أحـسـب الأيــام روحــه وجـيـه

وفي كـل ليلـه ترتسـم بيـن رمشيـن
خيالهـا بيـن الـرمـووش الشقـيـه

غربة سنه فـي ذمتـي غربـة سنيـن
متـى علـى الله يلتقـي الحـي حـيـه

خـلاص هانـت مابقـى غيـر يوميـن
خـلاص فقـدت أنـا غربـة جرهديـه

ورجعت شوقـي فـي خفوقـي براكيـن
ورجعـت أنـا كلـي لـهـا جاذبـيـه

وسألت ماردوا؟ وأنا أصيح هي ويـن؟!
وكل (ن) نثر مـن داخـل العيـن ميـه

وفي معمعـة حزنـي تلقيـت رمحيـن
قالوا(تـوفـت) غافلتـهـا المـنـيـه

وفي غرغرتها ماذكـرت غيـر حرفيـن
تشهـدت بأسـمـك شـفـاة البنـيـه

وتزاحمـت فـي داخلـي ألـف سكيـن
والحـزن يطويـنـي ثمانـيـن طـيـه

"صدمه"وجابتني علـى الأرض نصفيـن
وشلون راحـت دون ذنـب وخطيـه ؟!

تكفووون دلوني علـى القبـر هالحيـن
مـاعـاد فيـنـي للصـبـر مقـدريـه

ووقفـت أطالـع قبرهـا بيـن نصبيـن
وجلست أضـم أغلـى النصايـب عليـه

وأصيـح وش بك"ياغـلاي "ماتـرديـن
إشتقـت همـس شفاهـك النرجسـيـه

وش فيك جيت من السفـر ماتهليـن ؟!
ماهـي بلـك عـاده ولا إنتـي رديــه

وحاولـت فـي لحظـه أجـرح .....
وأزيـح تربـة" قبرهـا " فـي يـديـه

وبالغصب شالوني حشى صرت مسكيـن
وأصــرخ بـهـم والله والله حـيــه




وقفت وتاهـت فينـي جميـع العناويـن
والحـزن يلعـب داخـلـي سامـريـه

ورجعت لـدروب الشقـى قبـل عاميـن
مدري مـن اللـي صـار فينـا ضحيـهش