فمـاااان الله يـا لولـو بحـر ماجـابـه الغـطّـااااس
فمـان الله يـا أصـدق وأبيـض قـلـب حبيـتـه
فمان الله مـا قلتـه وأنـا صامـد رفيـع الـراااس
فمـان الله (مهـزوزه) عشانـك يومـي أطريـتـه
فمـان الله فـي دنيـاً سعـيـده كلّـهـا أونــااااس
هـذاك الـدرب ينتضـرك وأنـا دربـي تنصّيتـه
نهايـة دربنـا بـاب(ن) تكاثـر عنـده الحـرّاااس
نهايـة دربنـا لغـز(ن) رميتـه لكـن أخطيـتـه
نهاية طيب/ في صفحـة وفـا/ وختامهـا نومـااااس
وأدوّن قـصـه تجمعـنـا بكتاب(الصدق)سميـتـه
صحيح (أستأذنك) صعبـه ولكـن تتبعـه (لابـااااس)
حروفـك داخـل أعماقـي بـدم القلـب خطّيـتـه
وأنا إخترت الفراااق المر ورضيت معانق الهوجااااس
وخاويـت السهـر والنـوم هاجـرتـه وجافيـتـه
عشانك يابعد عمـري / عشانـك يابعـد هالنـااااس
عشانـك يابعـد حـي الشمـاااال ويابعـد ميـتـه
فديتك (زهرةٍ) فاحت وفا/ وإستنعـش النسنـااااس
فديتك (مهرةٍ) شوفـه شفـا/ وشلـون لـو جيتـه
فديت (الشفتيـن) اللـي يحرسـن لمعـة الألمـااااس
فديت (الوجنتين) اللـي يغـاااار الصبـح مـن ليتـه
فديت الطـول مـع خصـرٍ تمايـل ضامـرٍ ميّـااااس
فديت الزول لو بوصف تعبت أوصـف ولا أوفيتـه
فديـت (الشاااامـه) و رمـشٍ طويـل وناظـرٍ نعّـااااس
وشعـرٍ ضااااعـت إيدينـي بسـواده يـوم فلّيـتـه
فديتـك كلّـك ولجلـك حروفـي تتعـب القرطـااااس
فديتـك كلّـك وكلّـي مشـاعـر لـكـن أزريـتـه
أجل وشلون أترجم لك مشاعـر مـا لهـا مقيـااااس
وشاعـر جامـعٍ هـم الليـالـي فــي تناهيـتـه
وأنا لامن عشقت أعشق على وضح النقـا نبـراااس
بدويٍ لا سمـع طـاري الخيانـه ينتخـي (صيتـه)
ياليتك طيف في بالـي تلاشـي بحضـرة الجـلااااس
وقلبـك ماعـرف قلـبـي ياقلـبـي آآآآه ياليـتـه
زمن قاسي بشر أقسى قلـوبٍ مابهـا إحسـااااس
زمن حلّـل قتـل طفلـه وطفـلٍ لاهـي إف بيتـه
زمن فيـه الوفـا كلمـه تخـط بأبيـض الكـرّاااس
زمـن لـو نـزّل دموعـي يسمعنـي زغاريـتـه
حبيبي دامهـا زااادت بجوفـي مملكـه للـيـأس
أبـي تقـرأ نهايـة درب علـى شانـك تمطّيـتـه
خلاص (أستسمحك) برحل كما حـرٍ كفـخ قرنـااااس
نصيـت الـدااار يـوم الــدااار نادتـنـي ولبّيـتـه
بقالك كلمتيـنٍ تحتهـن خـط ومـا بيـن أقـواس
(فماااان الحـب) يـا أطهـر وأبيـض قلـب لااااقيتـه
فمـاااان الله يـا لولـو بحـر ماجـابـه الغـطّـااااس
العرض العادي
