احبتي فالله

عديت رجماً كان للزين مدهال
.....رجماً ابرقا سليم ياجاهل ٍ فيه
بانيه لكن صار نقصه على الحال
.....غدى عليهّ حضرة كليب لأخيه
عشرين عام وباقي الرجم مازال
.....والناس راحت والرجم شر راعيه
وياقلب لاتشكي لنا ضيقة البال
..... اللي كتب للعبد ملزوم يأتيه
ترى الوعد مايخلفه كود الانذال
..... ونته معاهد بالرجم يوم نبنيه
أرجوك لاتحرق ضميري بالاشغال
.....مهما تقول اقول ماني بناسيه
الصاحب اللي لو يقولون بالمال
.....دفعت مانملك على شان نرضيه
يازين في فمّه ألياقال نزال
.....وانا مردي اقول لبيه لبيبه
اجيه جهراً ماتسمع للقوال
.....حب الشرف ياناس ماني بمخفيه
ماني بسربوتي ولاني بمحتال
.....انا على وضح النقا ذاك أرجيه
هو رغبتي ومناي من كل الازوال
..... وعليه قلبي يابسات ٍ سواقيه
لاشك من دون الغضي حالة ارجال
..... تاخذ حقوق وصاحب الحق تعطيه
والله عزيز الجاه جازى بالاعمال
..... كل ٍ على فعله حسيبه يجازيه
وياصاحبي ابطيت مرسلت مرسال
.....وقلب المولع مالقى من يشكيه
حاول ترد العلم بنصاف وكمال
.....وتفيد قلب الحسر والاتعزيه
ماهو بواجب يالغضي منك الاهمال
..... بعد جرحت القلب تسمح تداويه
لاتستمع هرجة منافق ودجال
.....وتبيع حبي وانت بالله شاريه
واشكي على اللي عارف ٍ كل الاحوال
.....ابو عوض كسب الجماله مواريه
يامسندي عمري قضاء اقفاي وقبال
..... مشاكل الدنيا تصيبه وتخطيه
وخشى يجي لعداي يالقرم مدخال
.....صبح المطر والعشب سبة تسميه
والاسم الاخر واضح ٍ وانت خيال
..... خطوى العزيز اللي عمامه تربيه
ذي قصتي وضحتها مابها اشكال
..... القاف يامنور تنادي معانيه
وليا بغيت ترد ياطيب الفال
..... ارجوك يامشكاي تصخر قواسيه
ترى جدايه بس تصخير الامثال
......انوح بأول قاف وابكي بتاليه