ايام جوري بالعيد

بسم الله الرحمن الرحيم
جاء رمضان وما امدانه نفتح اعيونا الا وهو ماشي .. يالله تقبل الله صيامن وقيامنا ان شاء الله
وجاء العيد وبلمح البصر وهج..كنه زعل منا... المهم في عبد هل السنه يوم ماينسي في حياتي ولا في حيات اخواتي وبنات خالاتي ... اقولكم السالفه ..زي العاده بكل عيد بالليل انروح لبيت خالتي الكبير .. وتعالو شوفوا... انواع التشخص " التشخيص يعني الزيادة في التزين" وكل وحده وخر عن دربها تشفونهم تقولون عرايس ( مهوب بعيد ..)المهم احنا بالليل ...اوله نقعد تحتريه الى ان نتجمع كلنا جالسين مع خلاتي وحريم خوالي وكل وحده تسولف عن العيد الاولين ..والله زهق من السواليف ...كل سنه ايامنا...وايامنا..وش دعوه الله يهديكم وحنا جالسين بالمريخ ... ترانا عيالكم من نفس الديره ,لا وتعالوا شوفوا بعد يقولون "يوم العيد كانت بالعديه وكل "ن" يجيب عديتا ويوزعها على البزران ..طيب افهموها هالحين يوم انكم دارين بالعيديه ولا جينا فيه وراه ما تجيبون لنا ...ولو حلاو !! المهم اكتمل العدد وبدت التجمعات على حسب فئة العمريه لحالها ... ومن هنا تجمعنا كلنا يالبنات وقمنا ندور لنا على مكان صاد عن الحريم والبزران , وعشان مايعكرون علينا صفو الاحدايث اللي نتجاذبها , المهم تجمعنا وطلعنا بالملحق اللي بالحوش ودخلنا ولعنا النور ... وجلسنا وخلينا البان مردود علشان اذا دورنا الا هم يدرون وين احنا فيه ..وجلسنا ومابقى شي ماحكينا فيه وكل وحده تجيب سواليفها او بعنى ادق شوي تجيب نصيتها ويالله كلنا مصدقين وطايرين بالعجلة ومالنا من الشيطان طريق .. على قولتهم المهم والله ومع انسجامنا مع السوالف . واذا نتفاجا بشي ماحسبنا احسابه ..بسه صغيره وقي الروايه قطه او قطوه الظاهر ان ماكنت واهمه اما انها ثدور على مكان دافئ .. المهم دخلت الملحق .. وهي دخلت والا ما دخلت ..ياناس دوروا غيرها ..فوق عشر بنات يصارخون كل وحده بجه >>> انا اولهم >>>المهم ومنكثر حنا مختيصين وحده سكرت الباب وهنا تمكن المشكله طبعا اليوم عيد وكل وحده رزاة نفسها ومشخصه ومتزينه ولكن هنا ... (ق ط و ة ) بمعنى اخر التسريحات " شووووشه" المكياج ساحد والدموع خربت على الكحل راحي فيها ... الفساتين بعضها تشققت من المناقزة والركض قي الملحق المهم ان صديقنا القطوه كان لسان حالها يقول " والله العضيم داخله غلط .. والله مااتعودها والله من غير قصد " المشكله ان كل ما جت تنحاش من جهة يلقى بنت تصارخ وتناقز وكل وحده من هالبنات تعطي الاوامر الي تقول فتحي الباب الي تقول فتحي النوافذ ولي تقول شغلي المكيف ... اموت واعرف ليش بنت خالتي يوم انها قالت شغلوا المكيف وش كان الهدف ؟؟؟ " يمكن من الروعه "بعد حدود خمس دقايق من الخبصه بعدها نتفاجأ بالشغالات ومن وراهم خالاتي وحريم خوالي وفتحوا الباب وكل وحده مننا تنحاش قبل وتعالوا والله لا يرويكم وجهنا الوان قوس قزح .. احمر اصفر تركاوزي المهم هيجنا كالنا حنا البنات شوي الا نسمع ضحك الشغالات .. جو خالاتي ودخلوا الملحق ونفس الشي سمعنا ضحكهم المهم بحكم ان بنت خالي هي اجر وحده قالت بأدخلواشوف وش السالفه وش السالفه قامت وكل يركيزها ماذا لو شاقن القطوه اكيد اول ماتدخل راح تنط القطوت وتشمخ وجهها تجيكم السالفه ...دخلت ندى , تدورالقطوه مالقتها ...قامت تسأل ... وين القطوه ...ليش تضحكون وش السالفه وحده من خالاتي قالت شوفي القطوه حسبي الله على ابليسك ... ندى تناضر .... الا والله ... صدق هذه القطوه ... تخيلوا كيف كان من كثر ما حنا مختبصات وكل وحده ترمي المساند على القطوه لقيناها عاجزاه عن الحركه وفوق راسها ثلاث عصافير يدرون وفوقها منسندين ... بعدها ما تهنينا بأيام العيد .. كل يوم نصايح وارشادات من خلاتي .. وخوالي... بس كان يوم لا ينسى

جوجو