البنت

البنت الناعمة



طبعا هذة البنت وهى نايمة فى غرفتها الدبدوب والأرنوب كلهم فى أحضانها

وإذا قامت من النوم ما تقوم إلا الساعة وحدة الظهر واللى يقومها من الرقاد الخدامة

وطبعا تكلمها بالإنجليزى بترجم لكم شو قالت لها الخدامة ..

تقول قومى ما ما وقت واجد تأخير ..

والناعمة أول ما تقوم من الرقاد تفتح الستارة والشباك علشان الغرفة تتنفس

وشغلت موسيقى رومانسية علشان يكون الجو رومانسي وتاخذ حمام محترم

وبعد ما تطلع من الحمام على المنظرة تحط من هالكريمات والصبغ ..

لازم تحافظ على البشرة .. خلصت من المنظرة واتجهت للسشوار وبعدين تلبس البنطلون الجنز والبلوزة

.. وتنزل تتريق واللي هو عبارة عن دونت وعصير جريب فروت


البنت الدفشة

تقوم الساعة 8 الصبح وهى ما ودها تقوم وتدخل أمها عليها بالغرفة

وتصرخ عليها قومى شبعتى نوم ترد الدفشة على أمها

.. زين زين الحين بقعد وتقعد تأفففففففف ويطلع من ثمها نار(( حشى دينصور ))

بالإضافة إلى انها وهى نايمة كل دقيقة تطيح من على الشبرية ..

وبعدين يدخل أخوها الصغير ويصرخ وجع يالله بسج رقاد ..

ترد عليه : انقلع من الغرفة والا اعقك من الدريشة الحين ..

المهم أخوها اللى أكبر منها يروح لها الغرفة يرفسها وبعد تلك الرفسة العنيفة تصحى من النوم



البنت الناعمة


ما تتغدا إلا الساعة 4 ولا 5 ولا تتغدا إلا على عيش أبيض مسلوق(( شيلاني ))

وسلطة تحافظ على رشاقتها


البنت الدفشة


تتغدا الساعة 12 بالضبط ولا تتغدا الا مجبوس ولحم أو دجاج

وإذا خلصت تشرب البيبسى مرة وحدة يعنى ما فى مجال انها تتنفس ..

وما تسمع إلا أصوات مخيفة تقول (( رعد ))



البنت الناعمة


طلعتها تكون من بعد صلاة المغرب ما تطلع العصر تحافظ على البشرة من ضوء الشمس


البنت الدفشة


تطلع الساعة 2 القايلة تروح مشي لبيت خوالها لين ما تغدي سمرة

أونه برونزااااااااااااااااااااااااااااج


البنت الناعمة


تروح ستار بكس أو أى كافية في مول من المولات وقبل لا تطلع تمر على الصالون

تحط هذاك الميكآب لجناااااااااان


البنت الدفشة


تحط كحل يملا العين والروج تقول مفترستلها حد لا وإذا بتروح السوق

راحت سوق نايف ولا سوق الحراج



البنت الناعمة


إذا تبى تضحك تقول ( هههههههههه) ويدها على فمها من الخجل والضحكة

من الصعب إنك تسمعها


البنت الدفشة


ها ها ها ها .. واللي في الحارة الثانية يسمعونها


البنت الناعمة


إذا تحب تسمع أغانى ما تسمع عربي ما تسمع الا ريكي مارتن طبعا

لانه حلو وممثلها المفضل توم كروز لوسامتة وميل جبسون وجيم كارى لخفة دمهم


البنت الدفشة


ممثلها المفضل بو هلال وعبدالناصر درويش ومطربها المفضل خالد الملا ومزعل فرحان



البنت الناعمة


لما تتطالع التلفزيون تقعد على الكرسي وتحط رجل على رجل وتبتسم

وجدامها مالذ وطاب من العصائر والمكسرات والريموت في يدها



البنت الدفشة


تنسدح على الارض وتحط رأسها على المخدة وتمد ريولها

وتحطها على التلفزيون وإذا تريد تغير القناة دقت التلفزيون باصبع ريلها وغيرت القناة



البنت الناعمة


إذا تبى تحلم أحلام اليقضة طلعت فى حديقة بيتهم وقعدت على الكرسي الهزاز

وقام الكرسى يروح ويرجع وهي في خبر كان تحلم أحلام اليقظة


البنت الدفشة


تروح بالحوش وتمد الحصير اللى فيه 55 نقشة و 40 لون شي أحمر

وشي أسود وأبيض ويابت جلاس جاهي مال الصعايدة طوله متر



البنت الناعمة


فى نهاية هالموضوع تقولكم تشاو .. أو سى يو .. أو بباى


أمـــا الدفشة


فى نهاية الموضوع تقولكم .. حياكم الله .. تأمرون على شي يالله بخليكم قلعة



منقول من الايميل

قمرمنور