مسج وسائط متعددة مجنووووونه اربع شرائح مع الصور

تدري وش سوى غيابك ؟!
موت غيابك سوالف !..
مايخوفني زماني
بس من فرقاك خايف !..
فجأه أصحى وماأشوفك ..
لاتهددني .. ظروفك
إعتبرني ..حلم / واقع
وإلا ظل مايطوفك
ضامي عطشان .. جيتك
لايعشمني سرابك !..
تسمح بكلمه ؟! بغيتك
قبل لاتبدي غيابك !..
شريحة2/4

تدري وش معنى غيابك ؟
يعني :
أسوء شي شفته طول عمري !!
تبدي ضحكاتي هلا بك
وفي وداعك
ماينام الجرح بدري
وإنت كيفك
شوف وش ناوي عليه
هاك قلبي وهاك سيفك
وسو فيني اللي تبيه !
لاتحاتي
صفح بكيفك جروحي
وإشطب آمالي وطموحي
وإعتبر قلبي كتابك !!
شريحة3/4

تدري وش حطم غيابك
مركب بداخل شعوري
من نسى قلبك حضوره
قلبي ماواجه / شعوره
عندي مابه شي ضروري
فاقد إحساس الأماني
لا مراسي لا مواني
وصارت الدنيا / قسى !!
وصار دوري ..
أعشق أنواع الأرق ..
وألفظ أنفاس الغرق
وصوت معناه الخطر
وقلب ميت / يحتضر
من غيابك السلامه
فيهاقلبي مارسى
لاصباحي هو صباحي
ولامسا قلبي / مسا
ياحبيبي في .. غيابك
إختلف شكلي ولوني
صرت أنا إنسان / ثاني
والسهر تعب عيوني
والسؤال اللي ذبحني :
صدق أهو فعلا" نسى ؟
راح وأهداني الأسى !
وماوصلت إلا لحقيقه :
الجفا أسهل طريقه
للقسى !..
شريحه4/4

تدري لوينطق غيابك ؟
بس أبسأل وين كنت ؟
ووين رحت بغيبتي ؟
وبسأله عن وضع قلبك !
هنت عنده أو ماهنت ؟
ياللي من غيرك حياتي /
مالها داعي ومعنى !
صار قلبي مايحاتي :
بعد ماتخليت عنه !
إيه كل الناس عندي
بس مابيهم بدونك !!..
تدري ياعمري بأنك ..
عندي كل الناس إنت !
ومهما تجرحني / مسامح
وكل طعناتي / عوافي
عشت وافي لدنيتك
وبموت وافي ..