بنات الثانويه

الــــسـلام عليكم ورحمة الله وبركاته ....
شحالكم ... شخباركم ...
اليوم يبتلكم موضوع ونشـاااااااااااالله يعيـبـكم .......




احتارو البنات وين يدشون علمي ولا ادبي وكل وحده دخلت القسم اللي تبغيه ....
يا انها مع ربيعاتها ...أو اهلها لزموا عليها ...
واللي تبغي تفتك من الرياضيات والفيزيا...
واللي تبغي تفتك من التاريخ والجغرافيا .... إلـــخ.....


وفي هالوقت قامت وحده من بنات العلمي وكتبت هالقصيده :

حسبي الله على من تسلط على المسلميـن ........ ضعنـا ونبي رايكـم ياالسـامـعـيــن
سـهرنا الـلــيل ورحــنا نــقـول دارسيـــن ........ وقــلوبنا من الاسئلــة حــافــظـيــن
حفظنا الذهب والفضة وجانا الخارصيــن ........ والفراغات مليناها كلها تخمــيـــــن
ورحنا للسؤال الثاني على بالنا فاهميــن ........ معادلات مع الاوزان عزالله ضايعين
ماعرفنا من الرموز الا الماء والاكسجين ........ والا السـؤال الثالــث يـامـن يعيــــن
مسالـة مانـعرف لـها راس مـن رجلـيــن ....... اكتبي الصيغة الوزنيـة ماحنا عارفيـن
والقـوانين واللـه يستـر علـىالقـوانيـن ...... تكسرت الالة من الطقطقة مابقى الا زرين
والمصيبـة مشرفتـنـا تصرخ يانايميـن ........ مــن زود الـوناســة شايفتنــا قاعــديــن
سلمنـا الاوراق مافيهـا صح الا اثنـين ....... الاسـم ورقم الفصل وعلى الباقي مشطبين
يا نــاس انــصفـونا مــن الظالميــن ........ والا تــرانــا اخــر السنــه مــن الراسـبيــن
واخرتها سلامتكم يالربع والسامعين ........ واذا ما اشتكينا لكـــم نشتكــي لــميــنشافوها بنات الادبي فتبرعت وحده منهن وردت :

من قال لكم تدخلون علمي يالميــانيـن......هــذي هي سوات ايديكم يالفالحيـن
اسهروا ليلكم مع نهاركم ياالشاطـرين......ونـحــن بنــشــخر مــع النايمــيــــن
وحـفظ الادب والمـكتبـة ومـواد الـدين......على طـول بنجـاوب دامنا حافظيــن
قلنــا لكم نيوتن وفيثــاغورث مـيتــين......ويعلكم ماتصيرون بانفسكم فالحيــن
واخــرتها اللـه يسلمكم يالســامــعيــن......وان شاء الله نشوفكم مع الراسبـيـن


تنرفزوا بنات العلمي وقالوا :

واللــه وطلع لكم صــوت يالادبــي يالخايسيــن ....... وان كان على التوهان والله انكم تايهين
من يبي المصاله وقلة الحيا قال للادبي داخلين ....... دايم عند الاداره يامخبــل متهــاوشيــن
تحطون راســكم براس العلمــي يالمســاكيــن ........ ترى لكم الكرف والبيت وغسل المواعين
اتركـو عنكم الحقـد لمركزنا منتـو بواصلين ........ حنــا لنــا العلـم والمستقبــل يالمســاكيـــن
واخرها الله لايسلمكــم من البلا يالمساكين ........ واخر السنه ان شاء الله نكون من الناجحين

منقول

قمرمنور