انواع مشيات التماسيح

طبعا تماسيحنا بعد ماتقرووونه .. كل واحد لازم يقول لي مشيته يمكن نزيد على المجموعه


الأول: ((شبة مفهي))

تلاقي الواحد ماشي وفاتح حلقه ليش ما ادري الظاهر انه يستمد طاقته من استنشاق الهوا أو يمكن له مأرب اخر لا أعرفه .

الثاني : ((يقال له مووت))

مشيه الولد اللي يمشي وهو مكتف يدينه تحس من مشيته انه ما يبي يتدخل في شوؤن الغير وماله شغل بالعالم



الثالث: ((فيه نزعه عربجيه))
الولد اللي يمشي وحاط يده على خصره ما ادري شنو يبي ؟
يعني كأنه بينط في رقبه أي واحد وبيعطي ذاك االمخمس المحترم
نصيحه اذا شفتوا واحد كذي يمشي لاتمشون قدامه ولا جنبه بس امشوا وراه و اذا عندك هوشه تراه للفزعه وطولة اللسان

الرابع: ((يحلم انه يصير طياره))

اللي يمشي وناسي ان يدينه يتبعون له يعني جسمه في كوكب ويدينه في كوكب ثاني


الخامس: ((يتابع افلام مصريه كثيييير والهرمونات الانثويه فيه غالبه)) ههههههههه اتووب


الولد الرقاص
يعني اللي يرقص في مشيته ما ادري سبحان الله ربي عطاه الهز الطبيعي من دون ادنى ضرب على الطاوله يقوم يرقص على باله الحفله بدت


السادس: ((داااافوووووووووووووور))


الولد اللي طول ماهو ماشي محتضن دفاتره وكتبه تقول هذا يحضر ماجستير...ارفق بعمرك تري العمر يخلص والدراسه ماتخلص )


السابع : ((متحمس بقوووه وفاهم الدنيا غلط))

اللي يمشي ويسولف وايدينه تسولف معاه حتى العالم كله يدرون انه راح المكان الفلاني امس بصراحه عيوني تحول من كثر ما طالع يدينه وهي تروح يمين وشمال



الثامن : ((خجووول ))

الولد اللي يمشي وكأنة يعد شي في الارض طول ماهو ماشي وراسة في الارض حتى لو شفتية ماعرفته لان ما شفت ملامحه مادري كل هاذا مستحي يعني...

..

يارب لك الحمد والشكر...


........................................

اش رأيكم ياااا صباااايا.................