غيابــــــــــــــــــــك موت يتكلم !!

--------------------------------------------------------------------------------

مساءات .. صـباحــات ..الشعر .. لا تحلو للعاشق/ـــقه .. ألا بمـا يثـــير مكامــن البــــوح ,

ويـســتـيـقـظ الكون

كله .. بروح الأعتزاز .. بمن نحب .. ليتشكل بالنسبه لي (( أنــا )) كون ملون , فارس لا يـشــبهـه

الا (( هو )) .. ملامحـه كريستاليــه , أجـده بكـل أوراقي .. خطواته حروفي , يضئ لي الطــريق

فيكون الحرف سلسا ,, لا يتعبني بكتابته .. ينساب من بين أناملي كالمـاء العذب .. فيغسل طريق

الأنطلاقه المتعثر أمامي .. أجده الأمان , الدفء , العطـاء ..
ارجوا أن تشفع قصيدتي هذه عن غيابي في الفتره الماضيه ..

وأن تجد مكان لها في قلوبكم ..

...................................

شموعي لك بضوّيها قبل لاتنزل الدمعه

قبل لا ينتهي حبك باضّوي دربك المظلم

جروحي مايداويها رجوعك لو تبي الرجعه

جروحي مايداويها حزنك لما تتبّســـــــم

أمد الكف باشواقي وتمد الكف بالصفعه

ولا ادري من الغلطان وقلبك لغزي المبهم

حزنك مايبكّيني وغرورك زادني رفعه

وفرحك هو سبب شكّي تضحك وانا أتألم

غدر وكذب وخيانه وطباع فيك مجتمعه

تجبرني بعيد ارحل وطول العمر أتندّم

كنت احتاجك افأمني وبعد احتاج فالجزعه

صرت محتاجه لغيرك صرت احتاج احد يفهم

عمري ياخساره ضاع عمري ضاع في خدعه

ليل بصبحه المشرق وصبح بنوره المعتم

عطش من بعد ماأشرب وجوع من بعد شبعه

كنت اضحك مع الاحزان وصرت من الفرح اغتّم

فراقك احلى مايمكن وغيابك منتهى الروعه

في قلبك ابتعزّى وعلى حبك اباترحّــــــــــــم

بعد فرقاك صوّرتك لنفسي بصورة بشعه

عشان انساك بشّعتك ولكن ماقدرت اكتم

بعد فرقاك ماأميّز وش احزاني من المتعه؟!

بعد فرقاك صدّقني كل جايز عليّ يحرم

واجب بعد ماترحل تصير افراحي ممتنعه

واجب ماأحس الحب والواجب عليّ الزم

حبيبي لا تصدّقني اذا ماسالت الدمعــــــه

دموعي تخجل ان شافت عيونك غارقه فالهم

دموعي لك ابهديها بعد مانطفي الشمعه

غيابك ماهو شي عادي غيابك موت يتكلم!!!