ياحريم فتحن اذانكن معي الي تبي طيرها مايطير ويروح لغيرها تسمع وش اقول وتطبقه بحذافيره صح نسيت اقولكن مساكن كرفس وخس وصباحكن ثوم ومشموم ياسلام انواع الروائح ولا كرستيان ديورر
النصيحه الاولى
في غرفة النوم
لا ترتبين غرفتك واتركي كل الخزاين منثوله على الارض وكل شي ابذريه خلي زوجك اذا جاء يدخل الغرفه يحس انه بحراج
اكيد تقولن وش الهدف انا اقولكن
الهدف واضح بس يبي وحده ذكيه مثلي تحلله لكن انا افني جهدي وصحتي عشان اسعدكن
نرجع للهدف اذا دخل زوجك وشاف الغرفه مرتبه مافي شي على الارض ينكسر خاطره المسيكين
ويقول اكيد ما عندها شي والا يضن انه مقصر عليك بس اذا شاف هدسك هنا وهناك ينشرح صدره ويدري ان كل رويتبه المقرود رايح على الخملق الي تشترينه وياليت سنعتيه عاد
النصيحه الثانيه
في السرير وهذي خطوه مهمه جداا
اذا جيتي تنامين صفي السطول وراعينك عندك من اكبرهم لين اصغرهم ويا حبذا لو يكونون من النوع الي تجيهم سحب في الليل
يعني افهمنها مافي داعي اوضح لكن اكثر
وهو خليه يحط بطيطنيته الي كان البارح نايم بها الوريع الصغير حقكم وطبعا ماقصر رشها بشويت عطور مركزه
خليه يفرشها جنب السرير على الارض وخليه من جهة الورعان الي يتشقلبون
يعني حاجز واقي للورعان اذا تشقلبو يطيحون على كرشه مطاطيه ويرجعون تلقائي لمكانهم
طبعا تبون تقولون ليش كل هذا انا اقولكن
عشان زوجك سيدتي يعاني من تضخم الكرش وفي هذه الحاله مع كل تشقلبت ورع على ذي الكرشه ترجع
للخلف وتبن تقولن وش فايدة العطر الي رشه الورع على البطانيه اكيد ذكيه انا وافهمها طايره
انا قولكن عشان طول الليل يستنشق والصبح يقوم ما له نفس للفطور ولا يصحيك تسوين له تكسبين نومة الصبح
النصيحه الثالثه ومهمه جدا
لا تلبسين له ملابس مغريه خليك بجلابيتك وخلاقينك
وياريت ما تمشطين شعرك شهر
تبين تقولين ليش ادري قبل تقولنها انا بخبركن ليش
عشان اذا شاف الملابس المغريه راح تجذبين انتباهه لهيفاء وهبي ونانسي واليسا
في ذي الملابس
مو تصدقن انكن مثلهن لا بس اذا شافهن يقول ياشين السرج على البقر ويروح يشح فكره للفنانات ويقعد يقارن بينك وبينهن
يعني تخيلي انتي لابسه مثل لبس هيفاء وهبي في كليب بووس الواو وصار يقارن بينكن
اكيد اول شي يلاحظه فيك التضاريس والتجعدات الي ياساتر كنها درج بحارة تكرن
يعني ماكسبتي فايده غير انك فتحتي عيونه للفنانات لذالك خليك على خلاقينك
النصيحه المهمه وهي الرابعه
اذا صحيتي الصبح ولقيتي وجهك فيه شوية رطوبه تاكدي انه طول اليل كان محتضن مقطع لحد البنانيات
في جواله وحاط السماعه في اذونه منشان ماتسمعين مع انه انا متاكده ما تسمعين نومك اثقل من نوم الفيل
ويناظر في المقطع ويلتفت يتف في وجهك ويقول تفو على الي عندي
في هذه الحاله وش تسوين انتي
انتبهي تجيبين مقطع لوائل كفوري لا مو هذا الحل
او تشيلين قشك وجنودك وراعينك ولبيت امك لا
انا اقولك وش تسوين
جيبي غصن طلحه كله شوك وافركيه بخشته قولي هذي الي عندك عربجيه تسوى الف ناعمه ياالطعس
وتاكدي عزيزتي ان بعد هذه النصائح راح يجي ويصارحك باحدى الخبرين
الخبر الاول انه تزوج عليك
والخبر الثاني انه طلقك مع ارباحك وراعينك
ساعتها لا تدعين علي انا مالي دخل
ههههههههههههههههههههههههههههاااي
< تقول ايه هين مالك دخل
يالله ياريت تعجبكن النصائح عاد مو متعبيني الف لكن نصائح ولا تطبقن
المواضيع المتشابهه للموضوع: لكِ سيدتي ممنوع دخول التماسيح
لكِ سيدتي ممنوع دخول التماسيح
العرض العادي
